1 Samuele 10:19 - Tonga Bible 1986

¹⁹ Kweni pa nyengo yino imwe mwakana Chiuta winu, yo watimupozomoskani mu masoka ndi masuzgu ghinu; ndipo mwakamba kuti, ‘Awa! Timikiyeni karonga pachanya pidu.’ Viyo sono jiwoneskeni mwaŵeni panthazi pa Ambuya mu mafuku ghinu ndi mu unandi winu.”

1 Samuele 10:19 ပူးပေါင်းရင်းမြစ်များ

Nthanthi 16:33

Mphenduzga yichitika pa chigha, kweni cheruzgu chose chituwa ku Ambuya.

Mika 5:2

Kweni iwe, Betelehemu Efrata, wamweniwe we mumana kuŵa mukati mu mafumu ghaku Yuda, mwaku iwe mukawiyanga kutuwa kwaku ine wakuusa, mu Yisraele, mweniyo chandilu chake nchakali ukongwa, chituwa ku mazuŵa ghamwaka.

Maŵerengedu 11:20

Kweni mwezi uzirima mpaka po yatuliya mu phunu zinu ndi yamutinkhani, chifukwa mwayeya Ambuya wo ŵe mukati mwinu, ndipo mwaliya pa maso pawo, kuti, “Chifukwa cho tingutuliya mu Egipiti nchine?” ’ ”

Maŵerengedu 17:2

“Kamba ndi ŵaYisraele, ndipo uronde zindodo kwaku iwo, pa nyumba ye yose ya auskeu ndodo yimoza, kutuliya ku ŵarongozgi ŵawo kwakuyana ndi nyumba za auskeu, ndodo chumi ndi ziŵi. Zina la munthu lirembeke pa ndodo yake,

Marangu 17:14

“Mutakuti mwaza ku charu chenicho Ambuya Chiuta watukupaskani, ndipo muchito kuŵa chinu ndi kuja mwenimo ndipo sono mukambenge kuti, ‘Ndikajimikiyanga karonga paku ndamwene, kwakukozgana ndi mitundu yose yinyake yeniyo yandizingiriya.’

Yoswa 24:1

Ndipo Yoswa wanguwunjika mafuku ghose ghaku Yisraele ku Shekemu, wangudana ŵaraŵara, ŵarongozgi, ŵeruzgi ndi zinduna; ndipo ŵanguza paurongo paku Chiuta.

Ŵeruzgi 8:23

Gideoni wanguti, “Ine ndi mwana wangu kuti tikakuwusaninga cha; Ambuya akakuwusaninga.”

1 Samuele 10:20

Samuele wangudaniya mafuku ghose gha ŵaYisraele pafupi, ndipo pakupenduzga fuku laku Benjamini lingutondoreka.

1 Samuele 12:12

Ndipo po munguwona Nahashi karonga wa Amoni wachiza kumikana namwe mungundinene kuti, ‘Awa, tikumba karonga pachanya pidu,’ penipo Ambuya Chiuta winu ndiyo wenga karonga winu.

1 Samuele 14:23

Viyo Ambuya angupozomoska ŵaYisraele zuŵa liya; nkhondo yingurutiliya ndi kujumpha pa Bete-avene.

1 Samuele 14:38

Viyo Sauli wanguti, “Ndereni kufupi, imwe mose mwa ŵarongozgi ŵa ŵanthu; ziŵani ndi muwone ko watuliya uheni uwu msana wale.

1 Samuele 3:21

Ndipo Ambuya anguwoneka so pa Shilo pakuti angujivumbuwa iwo ŵeneko kwaku Samuele penipa.

1 Samuele 4:1

Ndipo mazu ghaku Samuele ghanguvwika ku ŵaYisraele wose. Sono ŵaYisraele wanguruta ku nkhondo kurwana ndi ŵaFilisti ŵangugoŵa pa Ebenezere, ŵaFilisti ŵangugoŵa pa Afeke.

1 Samuele 8:19

Kweni ndipuuli ŵanthu ŵangukana kuvwa mazu ghaku Samuele wanguti,

1 Samuele 8:5

Ŵangunena nayo, “Awonani, imwe mwakota ndipo ŵana ŵinu kuti ŵatenda munthowa zinu cha; sono tisankhiyeni karonga yo watiusenge, nge ndi mitundu yinyake.”