1 Samuele 1:6 - Tonga Bible 1986

⁶ Ndipo wakutinkhana nayo wamusosomonga ukongwa kumukalipiska, chifukwa Ambuya angujara chibari chake.

1 Samuele 1:6 ပူးပေါင်းရင်းမြစ်များ

Chiyambo 30:1

Penipo Rakelo wanguwona kuti wengavi kumpapiya ŵana Yakobe, wanguchita sanje ndi muku wake; ndi wanguti kwaku Yakobe, “Undipaske ŵana, ndingafwa!”

2 Samuele 6:23

Ndipo Mikala mwana waku Sauli wengavi kupapa mwana mpaka ku zuŵa la nyifwa yake.

Jobu 24:21

“Ŵasuzga munthukazi yo nchumba wambura mwana, ndi kuti ŵachita umampha ku choko cha.

Jobu 6:14

“Yo wakana kuchitikiya ulemu ndi mubwezi wake, wareka kopa Wanthazi-zose.

ŴaLevi 18:18

Ndipo kuti mukatonga mbiligha ku mwana munyake cha, kumuzuwa nkhuli yake po wachalipo wamoyo yo mwana munyake.

Ŵeruzgi 11:37

Ndipo wanguti ku wiske, “Zomerani, kuti chinthu ichi chifiskike paku ine; kweni mundireke kwa myezi yiŵi, kuti ndiruti ndi kuyingayinga pa mapiri, nkhatenjere umwali wangu, ine pamoza ndi ŵanyangu.”

1 Samuele 1:7

Ichi chingurutiliya chirimika ndi chirimika penipo pose ŵangurutiya ku nyumba ya Ambuya wangumusosomo. Chifukwa ichi Hana wanguliya ndipo kuti wakhumbanga kurgha cha.

1 Samuele 2:1

Ndipo Hana wanguromba wanguti, “Mtima wangu ukondwere mu Ambuya, nthazi zangu zasoskeke mu Ambuya. Mlomo wangu useka ŵarwani ŵangu, chifukwa ndikondwere mu uwombozi winu.