1 Samuele 1:28 - Tonga Bible 1986

²⁸ Chifukwa ichi ndamupereka uyu ku Ambuya, mo wajariyenge ndi umoyo, ngwakuperekeka ku Ambuya.” Ndipo ŵangusopa Ambuya penipa.

1 Samuele 1:28 ပူးပေါင်းရင်းမြစ်များ

Chiyambo 24:26

Munthu yo wangukotama mutu wake ndi wangusopa Ambuya,

Chiyambo 24:48

Sono ndingukotamiska mutu wangu ndi ndingusopa Ambuya ndi ndingutumbika Ambuya, Chiuta wa mbuya wangu Abrahamu, mweniyo wangundirongozga mu nthowa yamampha kuzachito mwana munthukazi wa mbali wa mbuya wangu kutole mwana wake.

Chiyambo 24:52

Penipo muŵanda waku Abrahamu wanguvwa mazu ghawo wangukotamiya pasi paurongo pa Ambuya.

Nthanthi 31:2

Nchine, wa mwana wangu? Nchine, wa mwana wa chibali changu? Nchine, wa mwana wa marapu ghangu?

Maŵerengedu 6:8

Mazuŵa ghose ghakujupatuliya kwake, iyo ndi mtuŵa ku Ambuya.

2 Timote 3:15

ndikuti kutuwa ku ulitema waghaziŵiriya malembo ghakupaturika ghenigho nganthazi kukusanduska wazeru kutaskikiya mu chivwanu chamwaku Kristu Yesu.

Ŵeruzgi 7:15

Po Gideoni wanguvwa kakambidu ka loto lo ndi kang'anamulidu kake, wangusoka, ndi wanguwere ku ugoŵi waku Yisraele, wanguti. “Sokani; pakuti Ambuya apereka liŵanja laku Midiyani mu janja linu.”

1 Samuele 1:11

Wangurapa rapu wanguti, “Ambuya wa maŵanja nadi muwonenge pa suzgu ya muŵanda munthukazi winu, ndi kundikumbuka, kuruwa ndamuŵanda munthukazi winu cha, kuti mundipaske ndamuŵanda-munthukazi winu mwana munthurumi, ine ndimuperekenge ku Ambuya, mu umoyo wake wose, lwembe kuti likakwaskanga ku mutu wake cha.”

1 Samuele 1:22

Kweni Hana kuti wanguruta nawo cha, wangunene murumi wake kuti, “Po mwana wakarekiyanga konkha, ndipo ndi mutonge mwakuti wakawoneke pa maso pa Ambuya, ndipo wamuja kwenikuwa nyengo yose.”

1 Samuele 2:11

Viyo Elkana wanguwere ku nyumba yake ku Rama. Ndipo mhurwa yo wateŵetiyenga Ambuya pa maso ghaku Eli mzukuru.

1 Samuele 2:20

Ndipo Eli wangutumbika Elkana pamoza ndi muwoli wake, wanguti, “Ambuya akupaske ŵana pa munthukazi uyu mu malo ghaku uyu wapereka ku Ambuya,” viyo iwo ŵanguwere ku nyumba yawo.

1 Samuele 28:2

Davidi wangwamuka wanguti, “Nchamampha ukongwa, uziŵenge cho ndamteŵeti wako ndikachitanga.” Akishi wanguti, “Nchamampha, ndikuŵikenge mlinda wa umoyo wangu mpaka nyifwa.”