1 Samuele 1:24 - Tonga Bible 1986

²⁴ Wanguti wamara kumonkheska, wangukwera nayo, ndi pamoza ndi iyo thole la virimika vitatu, sokora ya ufwa, ndi thumba la vinyo; wanguza nayo ku nyumba ya Ambuya pa Shilo ndipo mwana wenga litema.

1 Samuele 1:24 ပူးပေါင်းရင်းမြစ်များ

Chiyambo 21:8

Ndipo mwana wangukuwa, ndi wangurumurika ndipo Abrahamu wanguchita chakurgha chinandi mu zuŵa lo Yisaki wangurumurikiya.

1 ŴaKaronga 11:20

Ndipo mhurwa waku Tafenesi wangumpapiya Genubati mwana wake munthurumi, mweniyo Tafenesi wangulumuliya mu nyumba yaku Farao; Genubati wenga mu nyumba yaku Farao pamoza ndi ŵana ŵanthurumi ŵaku Farao.

Mateyu 13:33

Ntharika yinyake wanguŵakambiya. “Ufumu wakuchanya ngwakukozgana ndi mtupu, weniwo munthukazi wanguto ndi wanguwusazga mu myesu yitatu ya ufwa, mpaka ungutupiskika wose.”

Marangu 12:11

Viyo malo ghenigho Ambuya Chiuta winu wamusankha ndi kurembamu zina lake, kweniko ndiko mukatoliyanga vyose vyo ndimulanguliyani, sembe zinu zakocha, ndi sembe zinu zakwachibaya, ndi vyachichumi, ndi mpasku yeniyo mwamupereka ndi marapu gho murapa ku Ambuya.

Marangu 16:16

“Katatu mu chirimika ŵanthurumi ŵinu wose ŵakawonekanga paurongo pa Ambuya Chiuta winu pa malo gho ŵakasankhanga; pa dghera la chiŵande chambura mtupu, pa dghera la ŵasabata, ndi pa dghera la misasa. Wangawonekanga paurongo pa Ambuya ndi manja ghaŵaka cha;

Yoswa 18:1

Sono mpingu wose wa ŵaYisraele unguwungana pa Shilo, ndipo ŵangumika hema lakuwunganamo; charu chinguthereskeka paurongo pawo.