1 Samuele 1:20 - Tonga Bible 1986

²⁰ ndipo mu nyengo yakufiskika Hana wanguŵa ndi nthumbo ndipo wangupapa mwana munthurumi, wangumudana zina lake Samuele, pakuti watinge, “Ndamupempha ku Ambuya.”

1 Samuele 1:20 ပူးပေါင်းရင်းမြစ်များ

Chiyambo 16:11

Ndipo mungelo wa Ambuya wanguti kwaku iyo, “Iwe wendi nthumbo, ndipo ukapapanga mwana munthurumi, umudanenge zina lake Yishumaele; chifukwa Ambuya awona suzgu yako.

Chiyambo 30:22

Sono Chiuta wangukumbuka Rakelo ndipo Chiuta wangumuvwa ndi wangujura chibali chake.

Chiyambo 4:25

Ndipo Adamu wanguziŵa so muwoli wake, ndipo wangupapa mwana munthurumi ndi wangudana zina lake Sete, pakuti muwoli wake wanguti, “Chiuta wandipaska mwana munyake mu malo ghaku Abelu, pakuti Kaini wangumubaya.”

Chiyambo 5:29

ndi wangudana zina lake Nowa, ndi wanguti, “Kutuwa mu nyata yeniyo Ambuya akutemba, uyu wakatitoliyanga ifwe chisangarusku ku nchitu zidu ndi kukutakataka kwa manja ghidu”.

1 Mikoka 4:10

Ndipo Yabezi wadananga kwaku Chiuta waku Yisraele kuti, “Munditumbike ndi kukuzga charu changu, ndi kuti janja linu liŵenge nani, mundisunge ku uheni, mwakuti ureke kundipweteka,” ndipo Chiuta wangumupaska cho wanguromba.

Sumu 120:1

Po ndenga mu suzgu ndingudana ku Ambuya, kuti andimuke;

Chituwa 2:10

Ndipo mwana wangukuwa. Sono wanguza nayo ku mwana waku Farao ndipo wanguŵa mwana wake. Wangumudana Mosese pakuti wanguti, “Chifukwa ndingumuzuwuwa mu maji.”

Chituwa 2:22

Wangupapa mwana munthurumi, ndipo iyo wangumudana zina lake Gereshomu, pakuti wanguti, “Ndaŵa wakuyingayinga mu charu chilendo.”

Mateyu 1:21

Ndipo wapapenge mwana munthurumi; ndiudanenge zina lake Yesu: chifukwa ndiyo wataskenge khamu lake ku vilakwa vyawo.”

ŴaHebere 11:32

Chifukwa nyengo yindipereŵiyenge kukonkhoma vyaku Gideoni ndi Baraki, ndi Samsoni, ndi Jefta, ndi Davidi ndi Samuele ndi ŵamchimi wo.