1 Samuele 1:15 - Tonga Bible 1986

¹⁵ Hana wangwamuka wanguti, “Awa, Ambuya ndaŵa munthukazi wakusuzgika ukongwa; kuti ndamwa vinyo chingana nchakumwa chakuloŵereska cha, kweni ndaperekanga mzimu wangu paurongo pa Ambuya.

1 Samuele 1:15 ပူးပေါင်းရင်းမြစ်များ

Jobu 30:16

“Sono mzimu wangu wapungulika mwaku ine, mazuŵa gha suzgu ghandiko.

Sumu 143:6

Manja ghangu ndisoske kwinu; mzimu wangu uparanthukiya imwe nge ncharu chiyumu.

Sumu 42:4

Vinthu ivi ndikumbuka, nge ndimo ndipunguliya mzimu wangu: ponda rutiyanga ndi mzinda, pakuŵadanjiriya ku nyumba yaku Chiuta, mu kukambura kwa likondwa ndi sumu za kuwonga, mzinda wakusunga visopo vya dghera.

Sumu 62:8

Gomezgani mwaku iyo nyengu zose, mwa ŵanthu; muneniyeni masuzgu ghinu ghose, chifukwa ndiyo chakudingang'amo chidu.

Sumu 62:9

Ŵanthu ŵenge nkhamuvuchi ka waka, ŵanthu ŵa Charu ichi ŵalivi kuzirwa, pakuŵapima pa mweso ŵapepuka, mbapepu kwakuruska ka mvuchi.

Nthanthi 14:10

Mtima uziŵa kuŵaŵa kwa weneko, ndipo palivi mlendo wasangana nawo likondwa lake.

Nthanthi 15:1

Kwamuka kwakoloŵa kutuzgapo chikwiya, kweni mazu gha ukari ghasosomo ukari.

Nthanthi 25:15

Ndi kuzika mweruzgi wangaziŵa kuchichizgika, ndipo lilime lakolowa likaswanga mwa.

Chitenje 2:19

Yuka bongonga ndi usiku, pakwamba kwa chitulu! Dira mtima wako uli ndi maji paurongo pa Ambuya! Soske kwawo manja ghako chifukwa cha maumoyo gha ŵana ŵako ŵeniwo ŵalakatuka chifukwa cha nja pa kwamba kwa gurwi yose.

1 Samuele 1:16

Rekani kundipimiya ndamuŵanda-munthukazi winu nge ndi munthukazi muheni, chifukwa mu unandi wa marunguruku ghangu ndi kumphweneskeka kwa mtima ndirongoro mpaka kunu ku sono.”

1 Samuele 7:6

Viyo ŵanguwunjikana pa Mizpa, ndipo ŵangunegha maji ŵangughadira paurongo pa Ambuya, ŵangufunga zuŵa liya, ndipo penipa ŵanguti, “Tanangiya Ambuya.” Ndipo Samuele wangweruzga ŵaYisraele pa Mizpa.