1 Samuele 1:11 - Tonga Bible 1986

¹¹ Wangurapa rapu wanguti, “Ambuya wa maŵanja nadi muwonenge pa suzgu ya muŵanda munthukazi winu, ndi kundikumbuka, kuruwa ndamuŵanda munthukazi winu cha, kuti mundipaske ndamuŵanda-munthukazi winu mwana munthurumi, ine ndimuperekenge ku Ambuya, mu umoyo wake wose, lwembe kuti likakwaskanga ku mutu wake cha.”

1 Samuele 1:11 ပူးပေါင်းရင်းမြစ်များ

Chiyambo 28:20

Sono Yakobe wangurapa rapu wanguti, “Asani Chiuta wakaŵanga nane, ndipo wakandisunganga mu nthowa iyi yeniyo ndikamo; ndipo wakandipaskanga chiŵande kuti ndirghenge, ndi saru kuvwara,

Chiyambo 29:32

Ndipo Leya wanguzuwuka ndi wangupapa mwana munthurumi, ndipo wangudana zina lake Rubene; pakuti wanguti, “Chifukwa Ambuya alereska pa suzgu yangu; nadi sono mrumi wangu wandanjenge.”

Chiyambo 30:22

Sono Chiuta wangukumbuka Rakelo ndipo Chiuta wangumuvwa ndi wangujura chibali chake.

Chiyambo 8:1

Kweni Chiuta wangukumbuka Nowa ndi nyama zose ndi vyakuŵeta vyo vyenga nayo pamoza mu ngaraŵa. Ndipo Chiuta wanguputiska mphepo pa charu, ndipo maji ghangutheruka.

2 Samuele 16:12

Njani waziŵa, panyake Ambuya andiwonenge mu kusuzgika kwangu, ndikuti Ambuya andiwezgiyenge umampha mu malo mwakutukika uku zuŵa lino.”

Sumu 25:18

Ghanaghananipo pa kupwetekeka kwangu ndi suzgu yangu, ndigowokiyeni kulakwa kwangu kose.

Chituwa 4:31

Ndipo ŵanthu ŵanguvwana, ndipo penipo ŵanguvwa kuti Ambuya anguchezga ndi ŵaYisraele ndi kuti wawona suzgu yawo, ŵangukotama mitu yawo ndi ŵangusopa.

Nthanthi 31:2

Nchine, wa mwana wangu? Nchine, wa mwana wa chibali changu? Nchine, wa mwana wa marapu ghangu?

Wakutaula 5:4

Penipo urapa rapu kwaku Chiuta, reka kuswera pakulifiska; chifukwa iyo kuti wendi likondwa mu ŵazereza cha. Fiska cho warapa.

ŴaLevi 27:2

“Ukambe ku ŵaYisraele kuti, Asani munthu warapa rapu kupaska ŵanthu ku Ambuya, iwe utenere kutema mtengo wake,

Maŵerengedu 21:2

Ndipo Yisraele wangurapa rapu ku Ambuya, wanguti, “Asani nadi mukaŵaperekanga ŵanthu yaŵa mu janja langu, ndikapasuwanga mizi yawo yose teteti.”

Maŵerengedu 6:11

ndipo mzukuru waperekenge yumoza pa mpasku wa ulakwi ndi yinyake pa mpasku wakocha, ndipo wakamupepeskiyanga pakuti walakwa chifukwa cha chiŵanda. Ndipo munthu yo wapatuwa mutu wake zuŵa lenilo,

Maŵerengedu 6:5

“Mazuŵa ghose gho warapa kujipatuwa, limeta lingakwaskanga ku mutu wake cha, mpaka po nyengo yakujipatuliskiya kwake ku Ambuya yafiskika, wakaŵanga wakupaturika; sisi laku mutu wake walireke likuwe.

Maŵerengedu 6:8

Mazuŵa ghose ghakujupatuliya kwake, iyo ndi mtuŵa ku Ambuya.

Ŵeruzgi 11:30

Jefta wangurapa rapu ku Ambuya, wanguti, “Asani mukandipaskanga Amoni mu janja langu,

Ŵeruzgi 13:5

pakuti nadi, ukaŵanga ndi nthumbo ndi upapenge mwana munthurumi. Pakaŵangavi lwembe lo likazanga pa mutu wake, chifukwa munyamata yo wakaŵanga muNaziri kwaku Chiuta kwamba pa kawi; ndipo wambenge kuwombo Yisraele ku janja la ŵaFilisti.”

1 Samuele 1:10

Hana wangusuzgika ukongwa mu mtima wanguromba ku Ambuya, ndipo wangufwifwinthiya kwakuŵaŵa.

1 Samuele 1:12

Pa kurutiriya mu kuromba paurongo pa Ambuya, Eli wanguteska mlomo wake.

1 Samuele 1:19

Ndipo wangucherera ndi mlenji wangusopa paurongo pa Ambuya; ndi wanguwere ku nyumba yake ku Rama. Elkana wanguziŵa muwoli wake Hana, ndipo Ambuya angumukumbuka;

1 Samuele 1:22

Kweni Hana kuti wanguruta nawo cha, wangunene murumi wake kuti, “Po mwana wakarekiyanga konkha, ndipo ndi mutonge mwakuti wakawoneke pa maso pa Ambuya, ndipo wamuja kwenikuwa nyengo yose.”

1 Samuele 1:27

Ndapemphanga mwana uyu; ndipo Ambuya andipaska cho ndingupempha kwaku iwo.

1 Samuele 1:28

Chifukwa ichi ndamupereka uyu ku Ambuya, mo wajariyenge ndi umoyo, ngwakuperekeka ku Ambuya.” Ndipo ŵangusopa Ambuya penipa.

1 Samuele 2:20

Ndipo Eli wangutumbika Elkana pamoza ndi muwoli wake, wanguti, “Ambuya akupaske ŵana pa munthukazi uyu mu malo ghaku uyu wapereka ku Ambuya,” viyo iwo ŵanguwere ku nyumba yawo.