1 Samuele 1:10 - Tonga Bible 1986

¹⁰ Hana wangusuzgika ukongwa mu mtima wanguromba ku Ambuya, ndipo wangufwifwinthiya kwakuŵaŵa.

1 Samuele 1:10 ပူးပေါင်းရင်းမြစ်များ

Chiyambo 30:1

Penipo Rakelo wanguwona kuti wengavi kumpapiya ŵana Yakobe, wanguchita sanje ndi muku wake; ndi wanguti kwaku Yakobe, “Undipaske ŵana, ndingafwa!”

Chiyambo 50:10

Ŵanguti ŵaza ku mbuli waku Atada, wo we pa sirgha la Yordane, ŵangutenje penipa ndi kutenje kukuru ukongwa ndi kwachisungu; ndipo ŵanguchita maliro gha awiske mazuŵa ghankhonde ndi ghaŵi.

2 Samuele 13:36

Ndipo ŵangusoska mazu ghawo ŵanguliya; ndipo karonga nayo ndi ŵateŵeti ŵake wose ŵanguliya kwa kuŵaŵa mtima.

2 Samuele 17:8

Pakurutiliyapo Hushai wanguti, “Uziŵa iwe kuti ausu ndi ŵanthu ŵawo mbanthu ŵanthazi ukongwa, ndipo mitima yawo ye muchanya, nge ndi biyere yo wakwamphulika ŵana mu dondo. Pade paku ichi, ausu ndi ngwazi mu nkhondo; ndipo kuti ŵangagona mu usiku pamoza ndi ŵanthu cha.

2 ŴaKaronga 20:3

“Kumbukani sono, Ambuya, nditukuŵeyereni mwenimo ndayende paurongo pinu mu ukongorekwa ndi mtima wose, ndipo ndachita cho nchamampha mu maso ghinu!” Ndipo Hezekiya wanguliya kwakuŵaŵa.

Jobu 10:1

“Ndavuka ndi umoyo wangu, ndikambenge pakwero zadinginyiko langu; nkhakambanga mu kuŵaŵa kwa mzimu wangu.

Jobu 7:11

“Viyo kuti ndikanizgenge mlomo wangu cha, nkhakambanga mu urwirwi wa mzimu wangu, ndidinginyikenge mu kuŵaŵa kwa umoyo wangu.

Jobu 9:18

kuti wakandizomerezganga cha nditute, kweni wandisuzga ndi maurwirwi.

Sumu 50:15

undidane mu zuŵa la suzgu; ndikupozomoskenge, ndipo undikankhuskenge.”

Sumu 91:15

Ŵakandidananga, ndikaŵamukanga; ŵachiŵa musuzgu, ndikaŵanga pamoza nawo ndiŵapozomoskenge ndi kuŵatumbika.

Nthanthi 14:10

Mtima uziŵa kuŵaŵa kwa weneko, ndipo palivi mlendo wasangana nawo likondwa lake.

Yesaya 38:15

Kweni ndingakambanje? Pakuti akamba kwaku ine, ndipo iwo ŵeneko achichita. Tulo twangu tose twambininika, chifukwa cha kuŵaŵa kwa mzimu wangu.

Yesaya 54:6

Pakuti Ambuya akudana iwe nge ndi muwoli wakujoworeka ndi wakukara mu mtima, uli ndi muwoli wa munyamata asani wajoworeka, watiti Chiuta winu.

Yeremiya 13:17

Kweni asani murekenge kutegherezga, mzimu wangu ukatenjenga ku ubende chifukwa cha kujikuzga kwinu; maso ghangu ghakaliyanga ukongwa ndi kumphororoska masozi, pakuti mskambu wa Ambuya wayoreke ku umkoli.

Yeremiya 22:10

Rekani kuriliya yo wafwa, pamwenga kumwenjerwa; kweni muriliye ukongwa yo waruta, pakuti kuti wakawenga so cha kuzachiwona charu cha kawi kake.

Chitenje 3:15

Wandizaza ndi vyakuŵaŵa wandigutiska vya nkhanya.

Luka 22:44

Ndipo pakuŵa mu mphirimbu warombanga kwakufwiririyapo: ndipo dukutira lake linguŵa nge ndi manthone gha ndopa ghakujirimiya pasi.]

ŴaHebere 5:7

Mweniyo mu mazuŵa ghake ghaliŵavu, wanguti wapereke, ndi Mubobotu wanthazi ndi masozi, maniniziku, maŵeyerero, kwaku yo wenga ndi nthazi kumtaska kunyifwa, ndipo wanguvwika pa chifwa cha uwopa Chiuta wake.

Ŵeruzgi 21:2

Ndipo ŵanthu ŵanguza ku Betele, ŵanguja pasi mpaka ku mazulo paurongo paku Chiuta, ŵangusoska mazu ndi ŵangutenje kwakuŵaŵa.

Ruti 1:20

Iyo wanguti kwaku wo, “Rekani kundidana kuti Naomi kweni mundidanenge kuti Mara, pakuti Wanthazizose wachita nane kwakuŵaŵa ukongwa.

1 Samuele 1:11

Wangurapa rapu wanguti, “Ambuya wa maŵanja nadi muwonenge pa suzgu ya muŵanda munthukazi winu, ndi kundikumbuka, kuruwa ndamuŵanda munthukazi winu cha, kuti mundipaske ndamuŵanda-munthukazi winu mwana munthurumi, ine ndimuperekenge ku Ambuya, mu umoyo wake wose, lwembe kuti likakwaskanga ku mutu wake cha.”

1 Samuele 1:9

Wanguti wargha ndi kumwa pa Shilo, Hana wangusoka. Sono Eli mzukuru wajanga pa mpando pa mphepete pa mphanjizgo za khomo la kasopi wa Ambuya.