1 Mikoka 9:1 - Tonga Bible 1986

¹ Viyo ŵaYisraele ŵangulembeka mu kaŵiro kawo, ndipo ŵakulembeka mu Buku la ŵaKaronga ŵaku Yisraele. Ndipo Yuda wanguyoreke ku umkoli mu Babiloni chifukwa chakuwura kugomezgeka kwawo.

1 Mikoka 9:1 ပူးပေါင်းရင်းမြစ်များ

1 ŴaKaronga 14:19

Sono nchitu zose zaku Yeroboamu, mwenimo wangurwiya nkhondo ndimo wanguwusiya, ehe, vikulembeka mu Buku la Mikoka ya ŵaKaronga ŵaku Yisraele.

2 ŴaKaronga 24:14

Wanguruta ndi ŵanthu wose mu Yerusalemu, mafumu ghose, vinkhara vyose vyanthazi, vikwi chumi vya ŵamkoli, ŵamisiri wose ŵa vyakusema-sema, ndi ŵasuzi; pengavi wakujariva vuli, kweni ŵanthu ŵauli-uli ŵa charu cho ndiwo ŵangusiyika.

2 ŴaKaronga 24:15

Yehoyakini wanguruta nayo ku Babiloni pamoza ndi anyina, mafumu, ŵawoli ŵa karonga, ŵamazaza, ndi ŵakuzirwa ŵa charu cho ŵanguŵatore ku umkoli kutuwa ku Yerusalemu kuruta ku Babiloni.

2 ŴaKaronga 24:16

Ndipo karonga wa Babiloni wanguza ndi ŵakukoreka vinkhara vyanthazi vikwi nkhonde ndi viŵi, ŵakusema ndi ŵasuzi, chikwi chimoza, wose yaŵa ŵenga ŵanthazi ndi ŵakuziŵa kupota homwa.

1 Mikoka 8:40

Ŵana ŵaku Ulemu ndiwo zenga ngwazi za nkhondo, wakuko mauta wenga ndi ŵana ndi ŵazuku ŵanandi, machumi pe chumi, pachanya machumi ghankhonde (150). Yaŵa wose ŵenga ŵaBenjamini.

2 Mikoka 33:11

Ndipo Ambuya pa chifukwa ichi, anguŵaziya ndi ŵachirongozgi ŵankhondo ŵa karonga wa Asiriya, ŵangumuko Manase ndi kumumanga ndi maunyoro, wanguruta nayo ku Babiloni.

Ezra 2:1

Yaŵa ndiwo ŵanthu ŵamu charu wo ŵanguruta kutuwa mu umkoli, ŵaku wo ŵanguyoreka ndi Nebukadanezara karonga waku Babiloni kuruta nawo ku Babiloni. Ŵanguwere ku Yerusalemu ndi Yuda, munthu yose ku muzi wake.

Ezra 2:59

Yaŵa ndiwo ŵangutuwa ku Telemele ndi ku Teleharasa, ndi ku Kerubi, ndi ku Adana, ndi ku Imere, chingana ŵengavi kuziŵiska nyumba za ŵauskeu, pamwenga kapapikidu kawo, kuti ŵenga ŵaYisraele:

Nehemiya 11:1

Sono ŵarongozgi ŵa ŵanthu ŵajanga mu Yerusalemu; ndipo ŵanthu wose ŵanguchita mphenduzga kutuzgamo yumoza mwaku ŵa chumi kwachija mu Yerusalemu, msumba wakupaturika, penipo ŵankhonde ndi ŵanayi ŵangujaliriya mu mizi yinyake.

Nehemiya 7:5

Sono Chiuta wanguŵika mu zeru yangu kuti ndiwungang'e pamoza ŵaraŵara ndi zinduna ndi ŵanthu kuti ŵalembeke mwa mphapu zawo. Ndipo ndingusaniya buku la zimphapu zaku wo ŵanguza pakudanga, ndi ndingusaniya vyenivyo vingulembekamo:

Nehemiya 7:64

Yaŵa ŵangupenja kulembeka kwawo mu zimphapu zo, kweni ŵengavi kusanirikamo, viyo ŵangutuzgikako ku ukukuru nge mbambura kuphotoka;

Yesaya 3:2

munthu wakulimba ndi msilikari, mweruzgi ndi mchimi, chanusi ndi mura,

Yeremiya 13:19

Mizi yaku Negebu yajarika, palivi yo wangayijura; Yuda yose wayoreke ku umkoli Ku umkoli wakufikapo.

Yeremiya 39:9

Sono Nebuzaradani, nduna ya ŵalonda wanguyola ŵanthu wose wo ŵangusiyika mu msumba, ŵeniwo ŵanguthaŵiya kwaku iyo, ndi wose wo ŵangujamo kuya ku umkoli ku Babiloni.

Danyele 1:2

Ndipo Ambuya angupereka Yehoyakimu karonga waku Yuda mu janja lake, pamoza ndi viyaŵi vinyake vya nyumba yaku Chiuta. Wanguvitole ku charu cha Shinara, mu nyumba yaku chiuta wake; ndi wanguviŵika viyaŵi mu malo ghakusungiyamo usambasi waku Chiuta wake.