1 Mikoka 5:2 - Tonga Bible 1986

² nanga Yuda wanguŵa pachanya pa ŵabali ŵake ndi kuti mwaku iyo ndimu mungutuwa karonga mura, kweni ndipuuli ura wenga waku Yosefe).

1 Mikoka 5:2 ပူးပေါင်းရင်းမြစ်များ

Chiyambo 25:31

Yakobe wanguti, “Chakudanga undiguliski ura wako.”

Chiyambo 35:23

Ŵana ŵaku Leya: Rubene (waumwali waku Yakobe), Simeoni, Levi, Yuda, Isakara, ndi Zebuluni.

Chiyambo 48:5

Ndipo sono ŵana ŵako ŵanthurumi ŵaŵi wo ŵangupapika kwako mu charu cha Egipiti ndenga ndindaze ine kwako mu Egipiti, mbangu: Efraimu ndi Manase ŵakaŵanga ŵangu mwenimo ŵalili Rubene ndi Simeoni.

Chiyambo 49:26

Vitumbiku vya ausu vyakulimba kujumpha pa vitumbiku vya mapiri gha muyaya, vyawanangwa vya tumapiri twa muyaya; viŵi pa mutu waku Yosefe ndi pa mphumi yaku yo wangumupatuskako ku ŵana ŵanyake.

2 Samuele 8:15

Viyo Davidi wanguwusa paku Yisraele yose; wangweruzga ndi kuchitiya urunji khamu lake lose;

1 Mikoka 28:4

Ndi kweni Ambuya, Chiuta waku Yisraele wangundisankha mu nyumba yose ya ada kuti ndiŵe karonga waku Yisraele muyaya; chifukwa wasankha Yuda kuŵa murongozgi, ndipo mu nyumba yaku Yuda, wasankha nyumba ya ada, ndi mukati mu ŵana, ŵa ada, ine ndingumunozge kundimika karonga waku Yisraele yose,

Sumu 108:8

Gileada ngwangu, Manase nayo ngwangu; Efraimu nchisoti changu, ndipo Yuda ndi ndodo yangu ya ufumu.

Sumu 60:7

Gileada ngwangu; ngwangu Manase; Efraimu nchivekeru cha mutu wangu; Yuda ndi ndodo yangu ya ufumu.

Mika 5:2

Kweni iwe, Betelehemu Efrata, wamweniwe we mumana kuŵa mukati mu mafumu ghaku Yuda, mwaku iwe mukawiyanga kutuwa kwaku ine wakuusa, mu Yisraele, mweniyo chandilu chake nchakali ukongwa, chituwa ku mazuŵa ghamwaka.

Maŵerengedu 2:3

Kuchiri ku vuma kumatuli gha dazi ndiko ŵamikenge mahema ŵandembera yaku Yuda mu maliŵanja ghawo, Ahishoni mwana waku Aminadaba warongozgenge ŵina Yuda,

Maŵerengedu 7:12

Yo wangupereka mpasku wake zuŵa lakudanga wenga Nahashoni mwana waku Aminadabu wa fuko laku Yuda;

Mateyu 2:6

‘Ndipo iwe Betelehemu, mu charu chaku Yuda, kuti ndiwe mumana limu kose cha mu ŵarongozgi ŵaku Yuda; chifukwa mwaku iwe mutuliyenge chirongozgi, mweniyo wakawusanga khamu langu Yisraele.’ ”

ŴaRoma 8:29

Pakuti ŵeniwo wanguŵaziŵiya limu, wanguŵateme limu wo kuyana ndi chikozgu cha Mwana wake, kuti waŵe iyo muku wawo wa ŵabali ŵanandi;

Marangu 21:17

Kweni wamutumbikenge wakudanga kupapika, mwana wa wakutinkhika, pakumupaska vigaŵa viŵi vyaku vyose vyo we navyo, pakuti ndiyo ndopa zake zakudanga, mazaza gha wakupapika wakudanga ndi ghake.

Marangu 33:17

Nkhuzi yake ya umwali yendi uchiyembwe. Masengwe ghake ndi masengwe gha njati, ndi ghenagha wakafwenkhuliyanga ŵanthu wose, kwachifika ku vigoti vya charu chapasi. Viyo ndimo ŵalili vikwi chumi (10,000) ŵaku Efraimu, ndimo so ŵalili vikwi chumi (10,000) ŵaku Manase.”

ŴaHebere 7:14

Chifukwa kuwoneka kuti Mbuyafwe wanguburika mwaku Yuda, kwaku lenilo fuku Mosese wengavi kukamba kanthu kapa ŵazukuru.

Yoswa 14:6

Sono ŵanthu ŵaku Yuda ŵanguza kwaku Yoswa pa Gilgala; ndipo Kalebe mwana waku Yefuni mu Kenizi wangunena nayo, “Iwe uziŵa cho Ambuya angurongoro ndi Mosese munthu waku Chiuta pa Kadeshe-barnea paku iwe ndi ine.

Chivumbuzi 5:5

ndipo yumoza wamu ŵara wo wangunena nane, “Ungaliyanga cha: awona, Nkharamu yo yamu fuku laku Yuda, nkhorozu yaku Davidi yo yapunda ndiyo yiziŵa kubanuwa buku lakuzinga ndi vizighiri vyake vinkhonde ndi viŵi.”

Ŵeruzgi 1:2

Ambuya anguti, “Yuda wakakweranga, ehe, ndapaska charu cho mu janja lake.”

1 Samuele 16:1

Ambuya anguti kwaku Samuele, “Mpaka zuŵanji ukachitiyanga chitima Sauli, pakuti Ine ndamukana kuti waŵe karonga pa ŵaYisraele? Zaza supa yako ndi mafuta. Ndipo ruta; ndikutumenge kwaku Jese waku Betelehemu, pakuti ndajiwone ndamwene karonga mukati mu ŵana ŵake.”

1 Samuele 16:10

Jese wangujumphiska pa maso paku Samuele ŵana ŵake ŵankhonde ndi ŵaŵi. Samuele wangumnene Jese, “Wose yaŵa Ambuya kuti aŵasankha cha.”

1 Samuele 16:12

Wangumutumiya munthu ndipo wanguza nayo. Wenga muyera wakuŵa ndi maso ghakunozga wakuma umampha. Ambuya anguti, “Soka umupake; chifukwa ndiyo mwenuyu.”