1 Mikoka 4:10 - Tonga Bible 1986

¹⁰ Ndipo Yabezi wadananga kwaku Chiuta waku Yisraele kuti, “Munditumbike ndi kukuzga charu changu, ndi kuti janja linu liŵenge nani, mundisunge ku uheni, mwakuti ureke kundipweteka,” ndipo Chiuta wangumupaska cho wanguromba.

1 Mikoka 4:10 ပူးပေါင်းရင်းမြစ်များ

Chiyambo 12:2

Ndipo Ine ndikakuchitanga mtundu ukuru, ndipo ndikakutumbikanga, ndipo ndikachitanga zina lako kuŵa likuru, viyo kuti ukaŵanga chitumbiku.

Chiyambo 12:8

Kutuwa pa wangundere ku phiri ku vuma kwa Betele, ndi wangujintha hema lake; Betele ku zambwe ndi Ai ku vuma ndipo pa wanguzenga jochero ku Ambuya ndipo wanguromba ku Ambuya.

Chiyambo 28:20

Sono Yakobe wangurapa rapu wanguti, “Asani Chiuta wakaŵanga nane, ndipo wakandisunganga mu nthowa iyi yeniyo ndikamo; ndipo wakandipaskanga chiŵande kuti ndirghenge, ndi saru kuvwara,

Chiyambo 28:21

mwakuti ndazamuwere so ku nyumba ya ada mu chimangu; iku Ambuya akaŵanga Chiuta wangu.

Chiyambo 32:26

Sono wanguti, “Ndireke ndirutenge pakuti kutucha.” Kweni Yakobe wanguti, “Kuti ndikakutayanga cha mpaka penipo wanditumbika.”

Chiyambo 32:27

Ndipo wanguti kwaku iyo, “Zina lako ndiwe yani?” Ndipo wanguti, “Yakobe.”

Chiyambo 32:28

Sono iyo wanguti, “Zina lako kuti likadanikanga so Yakobe cha kweni Yisraele pakuti walimbana ndi Chiuta ndi ŵanthu so, ndipo wapunda.”

Chiyambo 33:20

Penipo wanguzengapo jochero la sembe ndi wangudanapo kuti Ele-elohe-Yisraele.

Chiyambo 48:16

mungelo wa Ambuya mweniyo wandiwombo ku masoka ghose, watumbike ŵanyamata yaŵa: ndipo mwaku iwo zina langu likiyikiye, ndipo zina la ŵada Abrahamu ndi Yisaki, ndipo ŵakuwe ŵakwandana mu charu chapasi.”

1 Mikoka 16:8

Wongani Ambuya, danani zina lake, wandiskani nchitu zake mukati mu ŵanthu!

1 Mikoka 4:11

Kalebu mbali waku Suha wangupapa Mehari wiske waku Estoni.

1 Mikoka 4:9

Yehezi, wangutumbikika kuruska ŵabali ŵake, ndipo anyina angumudana zina Yabezi, wanguti, “Chifukwa ndingumupapa ndi urwirwi.”

Jobu 12:4

Nde wakusekeka ndi mabwezi ghangu; ine, ndamwenine ndinguromba kwaku Chiuta ndipo wangundamuka, munthu murunji ndi wakunyoroka, kweni nde wakusekeka.

Sumu 119:173

Nyengo yose ŵani pafupi kundovya, chifukwa ndasankha malangulu ghinu.

Sumu 121:7

Ambuya akuvikiriyenge ku urwani wose; asungenge umoyo wako.

Sumu 145:19

Afiska likhumbira laku wose wo ŵati ŵawopa; atuvwa kuliya kwawo ndi atiŵataska.

Sumu 21:4

Umoyo wo wangupempha kwaku imwe; mwamupaska, utali wa mazuŵa muyaya ndi muyaya.

Sumu 51:12

Werezgiyani kwangu kulankha kwautaski winu, ndi mzimu wa wanangwa ndichirikiriyeni.

Sumu 51:8

Ndizazeni chimwemwe ndi kukondwere; vyangare viwanga vyo mwaphwanya.

Sumu 55:16

Kweni ine ndidana kwaku Chiuta; Ambuya anditaskenge.

Sumu 65:2

chifukwa mutamuka marombo. Ŵanthu wose ŵakazanga kwaku imwe

Sumu 72:17

Zina lake lijaririye muyaya, mbiri yake yirutiliyenge mo liliri lumwi. Yimurumbenge mitundu yose, ŵanthu wose ŵapemphe Chiuta kuti waŵatumbike, nge ndimo watumbikiya karonga.

Sumu 99:6

Mosese ndi Aroni ŵenga ŵazukuru ŵake, Samuele wenga yumoza wa ŵakumusopa; wangudana ku Ambuya ndipo iwo anguŵamuka:

Nthanthi 10:22

Chitumbiku cha Ambuya chisakatiska, ndipo kuti asazgiyako chitima cha kwaku cho.

Nthanthi 30:8

Ndelezge kutali ndi ine urghargha ndi kunama; reka kundipaska ukavu pamwenga uromba, undihiŵe ndi kurgha kweniko kukhumbikwa kwangu,

Yesaya 41:10

ungopanga cha, pakuti ndenawe pamoza, ungatenthemanga cha pakuti ndine Chiuta wako; ndikakukhomeskan'ga, ndikakovyanga, ndikakusunganga ndi janja langu, lakurghiya la upundi.

Yesaya 41:17

Penipo ŵasauchi ndi ŵasokwa ŵapenja maji, ndipo palivi, ndipo lilime lawo lomilwa ndi nyota, ine Ambuya ndiŵamukenge, ine Chiuta waku Yisraele kuti ndikaŵajowonga cha.

Yeremiya 33:3

Danani kwaku ine ndipo ndikwamukeninga, ndikuneniyeninga vinthu vikuru ndi vyakubisika vyo mulivi kuviziŵapo.

Mateyu 26:75

Ndipo wangukumbuka Petro mazu ghaku Yesu, ghakuti, “Wandakokoŵereke tambala, undikanenge katatu.” Ndipo wakutuliya kubwaro, wanguliya kwakuŵaŵa.

Mateyu 6:13

Ndipo mungatitole mu kesedu kweni titaskeni ku mheni yo.

Luka 19:42

wakuti, “Mphanyi unguziŵa mu zuŵa lenili, iwe nawe, vya ku chimangu! Kweni sono vyabisika ku maso ghako.

Yohane 10:28

Ine nditizipaska umoyo wamuyaya; kuti zikafwanga cha, ndipo kuti yumoza wazikwamphuwenge mu janja langu cha.

Yohane 21:17

Wanena nayo so kachitatu, “Simoni, mwana waku Yohane kumbi utindanja ine?” Petro wanguvwa chisungu, chifukwa wanena nayo kachitatu yaka, “Utindanja ine?” Wangunena nayo, “Ambuya imwe muziŵa vyose; muziŵa nadi kuti nditanja imwe.” Yesu wamnene, “Liska mberere zangu.

Machitidu gha Ŵakutumika 3:26

Chiuta wati wayuska Muŵanda wake, wangumtuma danga kwaku imwe kukutumbikani, mu kunyongo munthu yose waku imwe ku viheni vinu.”

ŴaRoma 12:9

Chanju chinu chiŵe chamburafuvyu. Muŵe ŵakutinkha uheni, ndi ŵakumeremete ku umampha.

ŴaRoma 16:19

Chifukwa kuvwiya kwinu kwawanda mwaku wose. Viyo ndikondwere paku imwe; kweni ndikhumba imwe kuŵa ŵazeru kwaku cho nchamampha, kweni ŵambura kalema kwaku cho nchiheni.

1 ŴaKorinte 1:2

ku mpingu waku Chiuta wamu Korinte, ku ŵakupaturika mwaku Kristu Yesu, wakudanikiya kuŵa wakupaturuka, pamoza ndi wose mu malo ghose wo ŵadana pa zina laku Yesu Kristu Mbuyafwe, tose pamoza Mbuya wawo ndi widu.

ŴaEfeso 1:3

Watumbikike Chiuta yo ndi Wiske wa Mbuyafwe Yesu Kristu, mweniyo watitumbika ndi chitumbiku chose chamzimu mu vyakuchanya mwaku Kristu:

ŴaEfeso 3:20

Sono kwaku mweniyo ngwanthazi kwachichita ukongwa limu kwakuruska vyose vyenivyo tipempha chingana nkhupima, kwakuyana ndi nthazi yo yakutataliya mwidu,

ŴaEfeso 4:30

Ndipo mungamkwininiska Mzimu Wakupaturika waku Chiuta, mwaku mweniyo munguzighirikiya ku zuŵa la uwombozi.

2 Timote 4:18

Mbuya iyo wandipozomoskenge ku nchitu yose yiheni ndipo wanditaskiyenge ku ufumu wake wakuchanya: kwaku mweniyo kuŵiye unkhankhu wo ku muyaya-muyaya. Ameni.

Chivumbuzi 3:19

Ŵeniwo wose nditanja, ndituŵachenya ndikuŵalanga: viyo pamphuka, ndi ng'anamuka.

1 Samuele 1:17

Sono Eli wanguti, “Rutanga mu chimangu, ndipo Chiuta waku Yisraele wakupaske cho wapempha kwaku iyo.”

1 Samuele 1:20

ndipo mu nyengo yakufiskika Hana wanguŵa ndi nthumbo ndipo wangupapa mwana munthurumi, wangumudana zina lake Samuele, pakuti watinge, “Ndamupempha ku Ambuya.”

1 Samuele 1:26

Hana wanguti, “Ambuyangu! Po muliri wamoyo Ndine munthukazi mweniyo wanguma pano pa maso pinu, kuromba ku Ambuya.

1 Samuele 1:27

Ndapemphanga mwana uyu; ndipo Ambuya andipaska cho ndingupempha kwaku iwo.