1 Mikoka 27:1 - Tonga Bible 1986

¹ Iyi ndi ndondomeko ya fuku laku Yisraele, ŵara ŵa nyumba za auskeu ŵakulamula ŵa vikwi ndi machumi pe chumi, ndi nduna zawo wo ŵatakatakiyanga karonga mu nchitu yose ya vigaŵa vyo vyaserenga ndi kutuwa, mwezi ndi mwezi mu chirimika chose, chigaŵa che chose chenga ndi vikwi machumi ghaŵi ndi vinayi (24,000).

1 Mikoka 27:1 ပူးပေါင်းရင်းမြစ်များ

2 Samuele 23:8

Yagha ndi mazina gha vinkhara vyo vyenga ndi Davidi; Yoshebashebete, mu Tahakemoni; wenga fumu ya ŵatatu; ndiyo wangurwa yija pa ŵanthu machumi pe chumi gha nkhonde ndi ghatatu (800) wo wangubaya pa nyengo yimoza.

1 ŴaKaronga 4:27

Ndipo ŵara-ŵara wo ŵangupereka kurgha kwa karonga Solomoni, ndi kwaku wose wo ŵanguza ku gome la karonga, we yose mu mwezi wake; kuti ŵangupereŵezgapo nanga nkhanthu kamoza cha.

1 ŴaKaronga 4:7

Solomoni wenga ndi ŵamirizi chumi pachanya ŵaŵi (12) pachanya pa Yisraele yose, ŵeniwo ŵanozganga vyakurgha vyakuza ku karonga ndi mbumba yake; munthu ndi munthu wangujinozge vyakurgha vya mwezi umoza mu chirimika.

1 ŴaKaronga 5:14

Ndipo wanguŵatuma ku Lebanoni, vikwi chumi (10,000) mu mwezi umoza ŵakurondezgana; londezgana ŵajanga mwezi umoza mu Lebanoni, ndi myezi yiŵi pamuzi, Adoniramu ndiyo wenga wakutufuliya musonkho.

1 Mikoka 11:10

Yaŵa ndiwo ŵaraŵara ŵanthu ŵanthazi ŵaku Davidi, ŵeniwo ŵangumovya mu ufumu wake, kumumika nge ndi karonga, pamoza ndi ŵaYisraele wose, kwakulingana ndi mazu gha Ambuya paku Yisraele.

1 Mikoka 13:1

Ndipo Davidi wakambiskananga ndi ŵarongozgi ŵa vikwi ndi ŵa machumi, ndi ŵarongozgi wose.

1 Mikoka 26:32

Davidi karonga yo pamoza ndi ŵabali ŵake ŵangujimikiya ŵanthu ŵazeru ŵara ŵa nyumba za auskeu vikwi viŵi ndi machumi pe chumi ghankhonde ndi ghaŵi (2,700) kulereska ŵaRubene, ŵaGadi, ndi nusu la fuku la ŵina Manase, pa mlimu wose waku Chiuta ndi pa makani gha karonga.

1 Mikoka 27:2

Yashobeamu mwana waku Zebdieli wenga wakulamula chigaŵa chakudanga mu mwezi wakudanga; mu chigaŵa chake ŵengamo vikwi machumi ghaŵi ndi vinayi (24,000).

1 Mikoka 28:1

Davidi wanguwunganiska zinduna zose za ŵaYisraele mu Yerusalemu zinduna za mafuka, ndi ŵarongozgi ŵa vigaŵa vyo vyateŵetiyanga karonga wakulamula wa vikwi, ŵakulamula ŵa machumi pe chumi, ŵasungi ŵa usambasi wose ndi ng'ombe zose vya karonga ndi ŵana ŵake pamoza ndi nduna za karonga, ndi vinkhara, ndi ŵankhondo wose ŵakuziŵiriya.

1 Mikoka 29:6

Ndipo ŵara ŵa nyumba za auskeu ŵangupereka vyawanangwa vyawo, ŵarongozgi ŵa mafuku, wakulamula pa vikwi ndi machumi pe chumi, ndi zinduna za nchitu ya karonga.

2 Mikoka 1:2

Ndipo Solomoni wangukamba ndi ŵaYisraele wose, ndi ŵakulamula ŵa vikwi ndi ŵa machumi pe chumi, ndi ŵeruzgi, ndi ŵarongozgi mu Yisraele yose, ndi ŵara ŵa nyumba za auskeu.

Chituwa 18:25

Mosese wangutondo ŵanthu ŵakwenere mu ŵaYisraele wose, ndipo wanguŵamika kuŵa zinduna sa ŵanthu, ŵeruzgi ŵa vikwi, ŵamachumi pe chumi, ŵamachumi ghankhonde, ndi ŵachumi limoza.

Mika 5:2

Kweni iwe, Betelehemu Efrata, wamweniwe we mumana kuŵa mukati mu mafumu ghaku Yuda, mwaku iwe mukawiyanga kutuwa kwaku ine wakuusa, mu Yisraele, mweniyo chandilu chake nchakali ukongwa, chituwa ku mazuŵa ghamwaka.

Marangu 1:15

Viyo ndinguto ŵaraŵara ŵa mafuku ghinu, ŵazeru ndi ŵanjezga kuŵa ŵarongozgi ŵinu ŵa vikwi, ndi ŵa machumi pe chumi ndi machumi ghankhonde ndi ŵa machumi ndi ŵarongozgi ŵara wose mu mafuku ghinu.

Yoswa 23:1

Pavuli pa nyengo yitali, penipo Ambuya angupaska chipumulu kwaku Yisraele ku ŵarwani wose ŵakuŵazunguliya, Yoswa wangukota wakuŵa ndi virimika vinandi;

1 Samuele 8:12

wakajisankhiyanga zinduna za nkhondo za vikwi ndi zinduna za machumi ghankhonde, ŵanyake kukulima ndi kuvuna vyakurgha vyake, kupanga vidya vyake vya nkhondo ndi vyakunozge magareta ghake.