1 Mikoka 22:9 - Tonga Bible 1986

⁹ Wona, mwana munthurumi wakapapikanga kwaku iwe; wakaŵanga munthu wa chimangu. Ndikamupumuzganga ku ŵarwani ŵake wose ŵakumuzunguliya; pakutu zina lake likaŵanga Solomoni, ndipo nkhapaskanga chimangu ndi bata kwaku Yisraele mu mazuŵa ghake.

1 Mikoka 22:9 ပူးပေါင်းရင်းမြစ်များ

1 ŴaKaronga 1:13

Ukasere kwambura kuswera ku karonga Davidi, ukamunene kuti, ‘Kumbi kuti ndimwe cha, mbuyangu karonga, mungurapa ku muŵanda munthukazi winu, munguti, Solomoni mwana wangu wawusenge pavuli pangu, ndipo wakajanga pa chitengo changu? Na chifukwa nchine cho Adoniya waŵiya karonga?’

1 ŴaKaronga 2:15

Wanguti, “Uziŵa kuti ufumu wenga wangu ndi kuti ŵaYisraele wose ŵangugomekezga ine kwakufikapo kuti ndikawusanga; ndipuuli ufumu wang'anamukiya kunyake, ndipo waŵa wa mwana munyangu, chifukwa wenga wake wakutuliya ku Ambuya.

1 ŴaKaronga 3:7

Ndipo sono, Ambuya Chiuta wangu, mwamuchita muŵanda winu kuŵa karonga mu malo ghaku Davidi ada, chingana nde mwana mumana; kuti ndiziŵa cha pakutuwa ndi pakusere.

1 ŴaKaronga 4:20

Yuda ndi Yisraele unandi wawo wenga nge ndi mchenga wakulikumba la nyanja, ŵarghanga ndi kumwa ndipo ŵenga ŵakukondwa.

1 ŴaKaronga 4:24

Pakuti wenga ndi muwusu pa chigaŵa chose cha kuzambwe kwa Efrate kutuwa ku Tifisa mpaka ku Gaza, pa ŵakaronga wose kuzambwe kwa Efrate; ndipo wenga ndi chimangu mu vigaŵa vyose vyakumuzunguliya.

1 ŴaKaronga 4:25

Ndipo Yuda ndi Yisraele ŵanguja mwambura suzgu, kwamba ku Dani mpaka Beresheba, munthu yose wanguja pasi pa mphereska yake ndi pasi pa mkuyu wake, mazuŵa ghose ghaku Solomoni.

1 ŴaKaronga 5:4

Kweni sono Ambuya Chiuta wangu wandipaska kupumuwa ku madera ghose; palivi wakupindikana chingana ndi soka lakundiŵiya.

1 ŴaKaronga 8:56

“Atumbikike Ambuya wo apaska chipumulo ku khamu lawo Yisraele, kwakulingana ndi vyose vyo angupangana, palivi mazu nanga ngamoza gho ghatondeka kufiskika mu mapangano ghawo ghose ghamampha, gho angukambiya mwaku Mosese mteŵeti wawo.

1 Mikoka 17:11

Po mazuŵa ghako ghakafiskikanga kuruta kwachija ndi ausu, nkhayuskanga yumoza wa mphapo yako pavuli pako, yumoza wa ŵana ŵako, ndi nkhakhozganga ufumu wake.

1 Mikoka 22:18

“Kumbi Ambuya Chiuta winu we namwe cha? Kumbi kuti wampumuzgani cha kose-kose? Awonani wapereka ŵenicharu mu janja langu; ndipo charu chathereskeka pa maso pa Ambuya ndi ŵanthu ŵawo.

2 Mikoka 6:15

mwaŵenimwe mwasunga cho mungukamba kwaku Davidi ada; inya mungukamba ndi mlomo winu, ndipo ndi janja linu mwachifiska zuŵa ili.

Jobu 34:29

Pa iyo waja cheti, ndiyani wangasuska? Pa wabisa chisku chake, ndiyani wangamuwona; pamwenga ungaŵa mtundu pamwenga munthu,

Sumu 72:1

A Chiuta, sambizgani karonga kweruzga mu urunji winu, vyeruzgu vinu musangani nayo,

Sumu 72:7

Urunji usapatiye mu mazuŵa ghose gha umoyo wake, ndipo usakati ulutiriye pose po mwezi uŵaliya.

Yesaya 26:12

Ambuya mwe, mukatichitiyanga chimangu ifwe, mwatilongosole ifwe nchitu zidu.

Yesaya 45:7

Ndiumba ukweru ndi kulenga mdima, ndiŵika umampha ndilenga soka, ndine Ambuya mweniyo wachita vinthu ivi vyose.

Yesaya 57:19

Chimangu, chimangu kutali ndipafupi, atiti Ambuya; inya ndikamuchizganga.

Yesaya 66:12

Pakuti viyo atiti Ambuya: “Ehe, ndikarutizganga kusakata kwaku iyo uli ndi msinji, ndi usambasi wa ŵamitundu uli nkhamusinji kakusapatiya; ndipo ukawonkhanga, ukanyamulikanga pa pheŵa lake, ndi kukupembelezga pa makongono ghake.

Hagayi 2:9

Unkhankhu wa pavuli ŵa nyumba iyi ukaŵanga kuruska wa pakudanga, atiti Ambuya ŵa maŵanja; ndipo nkhapaskanga usambasi mu malo yagha, atiti Ambuya ŵa maŵanja.’ ”

Ŵeruzgi 6:24

Sono Gideoni wanguzenga jochero penipa ku Ambuya, ndipo wangulidana, Ambuya nchimangu. Mpaka ku zuŵa line leche kuma pa Ofra, yo ngwa ŵa Abiezeri.