1 Mikoka 22:3 - Tonga Bible 1986

³ Davidi wangunozga so chuma chinandi cha visulo vya mzumali ya visasa vya malikomo ndi yakupapikiya pamoza ndi mkuŵa uzitu wake wambura mapimika,

1 Mikoka 22:3 ပူးပေါင်းရင်းမြစ်များ

1 ŴaKaronga 7:47

Viyaŵi vyose ivi Solomoni wanguvijowo vyambura kupimika uzitu, chifukwa vyenge vinandi weniukongwa; uzitu wa mkuŵa kuti ungusanirika cha.

1 Mikoka 22:14

Mu visungu vikuru ndarongosole nyumba ya Ambuya usambasi wa golide vikwi machumi chumi (100,000) usambasi wa siliva vikwi machumi pe chumi (1,000,000) ndi mkuŵa ndi visulo vyambura kupimika uzitu wake, chifukwa vinandi ukongwa; mathabwa ndi mya navyo ndanozga. Usazgiyeko kwaku yivi.

1 Mikoka 29:2

Viyo ndalongosole nyumba yaku Chiuta mo ndinguziŵiya, golide ku vinthu vyagolide, siliva ku vinthu vya siliva, mkuŵa ku vinthu vya mkuŵa, visulo ku vinthu vya visulo, ndi mathabwa ku vinthu vya mathabwa, pamoza ndi mya yakuzirwa, ndi so mya yakuzenge, ndi myayakung'anima, mya yakuŵa ndi mitundu yinandi, ndi mya yakuzirwa ya mitundu yose, ndi mya yasangalawe.

1 Mikoka 29:7

Ŵangupereka ku mlimu wa nyumba yaku Chiuta vikiwi vinkhonde (5,000) vya matalente ndi vikwi chumi (10,000) vya ndrama za golide, vikwi chumi (10,000) vya matalente gha siliva, vikwi chumi ndi vinkhonde ndi vitatu (18,000) vya mkuŵa, ndi vikiwi machumi pe chumi (100,000) vya matalente gha visulo.

2 Mikoka 4:18

Solomoni wanguchita vyakutakatakiya vinandi vyose ivi chifukwa uzitu wa mkuŵa wengavi kupimika.

Yeremiya 52:20

Nge ndi mizati yo yiŵi, ndi nyanja yimoza, nkhuzi chumi ndi ziŵi za mkuŵa zo zenga kusi ku nyanja, ndi vyakujarikapo, vyo karonga Solomoni wanguchitiya nyumba ya Ambuya, mkuŵa waku ivi vyose ungulutizga pa uzitu.

Marangu 8:9

Mu charu cho mukarghanga chiŵande chambura kupereŵe, mo kuti mukasankhanga kanthu cha. Charu cho mya yake ndi visulo, ndipo mu mapiri ghake mungaziŵa kukumbamo mkuŵa wa makopara.