1 Mikoka 17:8 - Tonga Bible 1986

⁸ ndipo ndaŵa kosekose ko wendanga, ndi ndatuzgapo ŵarwani ŵako wose paurongo pako. Ndikakuchitiyanga zina nge ndi zina la ŵanthu ŵakuzirwa mu charu chapasi.

1 Mikoka 17:8 ပူးပေါင်းရင်းမြစ်များ

Chiyambo 28:15

Ehe, nde pamoza nawe ndipo ndikakusunganga kweniko kose ukayanga, ndipo ndikakuwezgiyanga ku charu chenichi; pakuti ndikusiyenge cha mpaka penipo ndachita cho ndakamba nawe.”

2 Samuele 22:1

Ndipo Davidi wangukamba ku Ambuya mazu gha sumu iyi pa zuŵa lo Ambuya angumupozomoske ku janja la ŵarwani ŵake wose, ndi ku janja laku Sauli.

2 Samuele 7:9

ndipo ndaŵa nawe kose ko unguruta, ndi kudumuwa ŵarwani ŵako wose paurongo pako; ndipo ndikuchitenge kuti zina lako liŵe likuru nge ndi zina la ŵanthu ŵakuvwika ŵacharu cha pasi.

2 Samuele 8:6

Sono Davidi wanguŵika malinga mu Aramu waku Damasko viyo ŵaSiriya ŵanguŵa ŵaŵanda ŵaku Davidi ŵangupereka mthulu. Ambuya angupaska upundi kwaku Davidi kose ko wangurazga.

2 Samuele 8:8

Kutuwa ku Beta ndi ku Berotai, misumba yaku Hada­dezere, karonga Davidi wangutoko mkuŵa unandi.

1 Mikoka 14:17

Ndipo mbiri yaku Davidi yinguwanda mu vyaru vyose, ndipo Ambuya anguchitiska mitundu yose kumopa iyo.

1 Mikoka 17:17

Ichi chenga chinthu chimana mu maso ghinu Chiuta; mwakamba so ndi za nyumba ya mteŵeti winu pa nyengo yo yituza, ndipo mwandilongo migonezi yo yituza, Ambuya Chiuta!

1 Mikoka 17:2

Ndipo Natani wanguti kwaku Davidi, “Chitani chose cho chemu mtima, pakuti Chiuta we namwe.”

1 Mikoka 17:7

Viyo ndimo wamukambiya ku mteŵeti wangu Davidi, ‘Ambuya ŵa maŵanja atiti, ndingukuto iwe uliska kukuliska mberere, kuti uŵe karonga wa ŵanthu ŵangu ŵaYisraele;

1 Mikoka 17:9

Ndikasankhiyanga malo ŵanthu ŵangu ŵaYisraele, ndi kuŵapanda, kuti ŵajenge mu malo ghawo ndi ghawo, ndi kuti ŵakachuruskikanga so cha, ŵanthu ŵankhaza kuti ŵakaŵaparghang'anga cha, nge mphakudanga,

Ezra 4:20

Mwenga so ŵakaronga ŵakuru mu Yerusalemu wo ŵausanga vyaru vya kusirgha kwa msinji; ndipo msonkho ndi mthulu, ndi msonkho wa miseu vyaperekekanga kwawo.

Sumu 18:1

Nditanja imwe, A Chiuta, nthazi yangu.

Sumu 46:11

Ambuya ŵa maŵanja we pamoza nafwe; Chiuta waku Yakobe nchakudingang'amo chidu.

Sumu 46:7

Ambuya ŵa maŵanja ŵe pamoza nafwe; Chiuta waku Yakobe nchakudingang'amo chidu.

Sumu 71:21

Mukandikuzganga kuruska pakudanga, ndipo mukandisangaruskanga so.

Sumu 75:7

Kweni ndi Chiuta yo wachita cheruzgu, kusiskiya pasi ŵanyake, ndi kukwezge ŵanyake pachanya.

Luka 1:52

wasiska ŵamazaza ku vitengu, ndipo wakwezga ŵakuyuyulika.

1 Samuele 18:14

Ndipo Davidi wanguchita umamphavi nchitu zose zo zingupaskika kwake; chifukwa Ambuya ŵenga nayo.

1 Samuele 18:28

Kweni po Sauli wanguwona ndi kuziŵa kuti Ambuya ŵenga nayo Davidi, ndi kuti ŵaYisraele wose ŵangumwanja,

1 Samuele 26:10

Davidi wanguti, “Mo aliri Ambuya amoyo, Ambuya amubayenge; pamwenga zuŵa lake likazanga wafwenge; pamwenga wasikiyenge ku nkhondo ndi kwachimariya kweniko.