1 Mikoka 17:5 - Tonga Bible 1986

⁵ Chifukwa ndilive kuja mu nyumba kutuwa zuŵa liya ndinguziya nayo Yisraele mpaka zuŵa lino, kweni ndaja mu hema ili ndi ili, mu hema ili, ndi mu hema linyake.

1 Mikoka 17:5 ပူးပေါင်းရင်းမြစ်များ

2 Samuele 6:17

Ndipo ŵanguserezga Bokosi la Ambuya mukati, ndi kuliŵika pa malo ghake, mu hema lo Davidi wangulizenga; Davidi wangupereka mipasku ya kocha ndi mipasku ya chimangu paurongo pa Ambuya.

2 Samuele 7:6

Kuti ndaja mu nyumba cha kutuliya pa zuŵa lo ndingukwezge ŵaYisraele kutuwa mu Egipiti mpaka zuŵa linu, kweni ndaŵa wakwendendeka mu hema nge nchakujamo changu.

1 ŴaKaronga 8:16

‘Kutuliya zuŵa lo ndingutuzgiya khamu langu Yisraele mu charu cha Egipiti, ndengavi kusankhapo msumba umoza mu mafuku ghose gha ŵaYisraele, mwakuti ndimu yizengeke nyumba, kuti zina langu lijenge mwenimo; kweni ndingusankha Davidi kuŵa wa­kutufuliya khamu langu la Yisraele.’

1 ŴaKaronga 8:27

“Kweni kumbi nadi Chiuta wakajanga pa charu chapasi? Ehe, kuchanya weniukongwa kuti kuziŵa kumuyanani imwe cha, na uli ukongwako ndi umana wa nyumba iyi yo ndazenga!

1 ŴaKaronga 8:4

Ndipo ŵanguza nalo bokosi la Ambuya, hema lakuwunganamo, ndi viyaŵi vyose vyakupaturika vyo vyenga mu hema; ŵazukuru ndi ŵaLevi ŵanguza navyo.

2 Mikoka 2:6

kweni ndiyani wangaziŵa kumzenge nyumba, pakuti machanya, chingana ndi machanya ukongwa kuti ghatumukwana cha? Ndine yani ine kuti ndimzenge nyumba, kweni malo ghakochiyapo vyakunumkhira paurongo pake ndigho?

2 Mikoka 6:18

“Kweni kumbi nadi Chiuta wakajanga ndi munthu pa charu chapasi? Onani machanya gha machanya kuchanya kuti ghangamukwaniskani Imwe cha; kumbi nyumba iyi ndazenga ine yingamuyanani uli!

2 Mikoka 6:5

‘Kwamba pa zuŵa liya ndingutuzgiya ŵanthu ŵangu mu charu cha Egipiti, kuti ndingusankha msumba cha mukati mu mitundu yaku Yisraele kuzengamo nyumba kuti zina langu liŵenge mwenimo, chingana nkhuti ndingusankha munthu cha kuti waŵe karonga wa ŵanthu ŵangu ŵaYisraele.

2 Mikoka 6:6

Kweni ndasankha Yerusalemu kuti zina langu liŵemo, ndipo ndasankha Davidi kuti wause ŵanthu ŵangu ŵa Yisraele.’