1 Mikoka 16:4 - Tonga Bible 1986

⁴ Ndipo so wangumika ŵanyake ŵa ŵaLevi nge mbateŵeti paurongo pa bokosi la Ambuya, kudanirizga, kuwonga, ndi kuthamika Ambuya Chiuta waku Yisraele.

1 Mikoka 16:4 ပူးပေါင်းရင်းမြစ်များ

Chiyambo 17:7

Ndipo ndiŵikenge phanganu langu pakati pangu ndi iwe, ndi mphapu zako za pavuli pako mu migonezi yose kuŵa phanganu la muyaya kuti ndikaŵanga Chiuta kwako ndi ku mphapu zako za pavuli pako.

Chiyambo 32:28

Sono iyo wanguti, “Zina lako kuti likadanikanga so Yakobe cha kweni Yisraele pakuti walimbana ndi Chiuta ndi ŵanthu so, ndipo wapunda.”

Chiyambo 33:20

Penipo wanguzengapo jochero la sembe ndi wangudanapo kuti Ele-elohe-Yisraele.

1 ŴaKaronga 8:15

Ndipo wanguti, “Atumbikike Ambuya, Chiuta waku Yisraele, mweniyo ndi janja lake wafiska cho wangupangana ndi mlomo wake kwaku Davidi ada, wanguti,

1 Mikoka 15:16

Davidi wangulanguliya ŵarongozgi ŵa ŵaLevi kumika ŵabali ŵawo nge mbakumba wo ŵatenere kumba ukongwa ndi vyakumbiya, ŵazeze, ŵabangwi, ndi vimbumbuli kukwezge mazu gha chimwemwe.

1 Mikoka 16:3

ndi wangupaska viŵande ku ŵaYisraele wose, ŵanthurumi, ndi ŵanthukazi, kwaku we yose chiŵande chimoza, ndi thuŵi la nyama, ndi keki wa mphereska zakumira.

1 Mikoka 16:5

Asafi wenga murongozgi, ndipo wachiŵi kwaku iyo wenga Zekariya, Yeieli, Shemiramoti, Yehieli, Matatiya, Eliabi, Benai, Obededomu, ndi Yeieli, wo ŵambanga ŵazeze, ndi ŵabangwe, Asafi wenga wakumba vimbumbuli,

1 Mikoka 16:8

Wongani Ambuya, danani zina lake, wandiskani nchitu zake mukati mu ŵanthu!

1 Mikoka 24:3

Ndi chovyo chaku Zadoki wamu ŵana ŵaku Eleazara ndi Ahimeleki wamu ŵana ŵaku Itamara Davidi wanguŵaŵika mu zinchitu za uteŵeti wawo.

1 Mikoka 25:1

Davidi ndi nduna za mlimu ŵangupatuliya so ku mlimu ŵana ŵanyake ŵaku Asafi, ndi ŵaku Henani, ndi waku Yedutuni, kuti ŵachimenge mukumba ŵabangwe, ŵazeze, ndi ŵafyolilo. Mundondomeko waku wo ŵanguchita nchitu ndi milimu yawo ndi uwu:

1 Mikoka 6:31

Yaŵa mbanthu wo Davidi wangumika nge mbarongozgi ŵa nchitu yakumba sumu mu nyumba ya Ambuya, po linguti laja muwa, bokosi la phanganu la Ambuya.

2 Mikoka 5:13

Wenga mlimu wawo wakumba mbata ndi wakumba ndi mlomo pe kuti ŵavwikenge nge ndi munthu yumoza kutumbika ndi kuwonga Ambuya). Ndipo ŵangutumphuska sumu ndi zimbata, ndi ŵabangwe ndi vinthu vinyake vyakumbiya sumu ŵangukankhuska Ambuya, ŵatinge: “Pakuti iwo mbamampha, chifukwa nchamuyaya chifundu chawo.” Ndipo nyumba ya Ambuya yinguzazika ndi mtambo.

Ezra 3:10

Ndipo ŵazengi ŵanguti ŵazenga chiŵanja cha kasopi wa Ambuya, ŵazukuru ŵanguvwara maraya ghawo ŵanguza ndi zimbata, ndi ŵaLevi ŵana ŵaku Asafi, ŵanguza ndi vijewere vyawo kutumbika Chiuta. Ŵangumba kwakulingana ndi lusu lakumikika ndi Davidi karonga waku Yisraele;

Nehemiya 12:24

ndi ŵaraŵara ŵa ŵaLevi: Hashabia, Sherebia, ndi Yeshua mwana waku Kadmiele, pamoza ndi ŵabali ŵawo ŵakuŵa ndimtufu paku wo, kutumbika ndi kupaska, kuwonga, kwakuyana ndi langulu laku Davidi munthu waku Chiuta kulondana yaŵa pa ŵanyawo.

Sumu 103:2

Rumbanga Ambuya, wa mzimu wangu, ndipo ungaruwanga vyakovya vyawo vyose.

Sumu 105:5

Kumbukani milimu yawo yakuziziswa yo achita, vya minthondwi yawo, ndi vyeruzgu vyo akamba.

Sumu 106:48

Atumbikike Ambuya, Chiuta waku Yisraele, kutuwa ku muyaya mpaka ku muyaya! Ndipo ŵanthu wose ŵakambe, “Ameni!” Rumbani Ambuya!

Sumu 37:1

Ungafyanga mtima cha chifukwa cha ŵakuchita uheni, chingana nkhuŵiniwa ŵakuchita ubendezi.

Sumu 70:1

Zaninga, A Chiuta, munditaske! Ambuya, zani ruŵi mundovye!

Sumu 72:18

Atumbikike Ambuya, Chiuta waku Yisraele, yo yija wachita vyakuziziswa.