1 Mikoka 13:6 - Tonga Bible 1986

⁶ Davidi ndi ŵaYisraele wose ŵanguruta ku Bala ndiku Kiriyati Jearimi waku Yuda kwachito bokosi laku Chiuta, yo wadanika ndi zina lakuti Ambuya, yo waja pa chitengu pachanya pa makerubi.

1 Mikoka 13:6 ပူးပေါင်းရင်းမြစ်များ

1 ŴaKaronga 8:16

‘Kutuliya zuŵa lo ndingutuzgiya khamu langu Yisraele mu charu cha Egipiti, ndengavi kusankhapo msumba umoza mu mafuku ghose gha ŵaYisraele, mwakuti ndimu yizengeke nyumba, kuti zina langu lijenge mwenimo; kweni ndingusankha Davidi kuŵa wa­kutufuliya khamu langu la Yisraele.’

2 ŴaKaronga 19:15

Ndipo Hezekiya wanguromba paurongo pa Ambuya, wanguti, “Ambuya mwe Chiuta waku Yisraele imwe mukujarikika pachanya pa maKerubi, imwe ndimwe Chiuta, ndimwe pe mwija, pa maufumu ghose gha charu chapasi; imwe mukulenga kuchanya ndi pasi.

Sumu 80:1

Mwa mliska waku Yisraele, tegherezgani. Tivweni, murongozgi mu mskambu winu. Mwa ŵakuja pa chitengo chinu pa ŵaKerubi,

Sumu 99:1

Ambuya ausa, ghatentheme makhamu! Aja ndeku pa maKerubi; charu chapasi chisukunike!

Chituwa 20:24

Mukandizengiyanga ine jochero lakusopiyapo la dongo ndipo muperekenge paku lo mpasku winu wakocha ndi mpasku winu wa chimangu, mberere zinu ndi ng'ombe zinu; mu malo ghose mo ndikachitiskanga chikumbusku cha zina langu ndikazanga kwinu ndi kukutumbikani.

Chituwa 23:21

Mumuvwiyenge ndi kutegherezga mazu ghake, mungamugarukiyanga cha, pakuti kuti wakagowokiyanga mamphuru ghinu cha; pakuti zina langu le mwake.

Chituwa 25:22

Muwa ndikakumananga namwe, kutuwa pachanya pa chitengo cha lisungu, kutuwa pakati pa ŵakerubi wo ŵaŵi wo ŵe pachanya pa bokosi la phanganu, ndikakabanga namwe ghaku vyose vyo ndilanguliyenge ŵaYisraele.

Yesaya 37:16

“Ambuya mwe, ŵa maŵanja, Chiuta waku Yisraele; imwe mwakuja pa chitengo cha ukaronga pa chanya pa ŵaKerubi, ndimwe Chiuta, imwe pe mwija, ŵa maufumu ghose gha charu chapasi.

Maŵerengedu 6:27

“Viyo ŵakaŵikanga zina langu pa ŵaYisraele, ndipo ndikaŵatumbikanga.”

Maŵerengedu 7:89

Ndipo penipo Mosese wangusere mu hema lakuwunganamo kwachirongoro ndi Ambuya wanguvwa mazu gha yumoza kurongoro ndi iyo, kutuliya pachanya pa chitengo cha lisungu cho chenga pa bokosi la chisimikizgu, kutuliya pakati pa Makerubi ghaŵi; ndipo wangurongoro nayo.

Yoswa 15:60

Kiriata-bala (yo ndi Kiriata-jearimi), ndi Raba: misumba yiŵi ndi mizi yake.

Yoswa 15:9

po mphaka yirutiliya kutuwa pachanya pa phiri mpaka ku chisima cha maji gha Nefetoa, ndipo kutuwa kuwa mpaka ku misumba yaku phiri la Efroni, po mphaka yizunguliya ku Bala (yo ndi Kiriata-jearimi);

Yoswa 9:17

ŴaYisraele ŵanguruta ndipo ŵangufika ku misumba yawo pa zuŵa la chitatu. Misumba yawo yenga Gibeoni, Chefira, Beroti ndi Kiriata-jearimi.

1 Samuele 4:4

Viyo ŵanthu ŵangutumike ku Shilo, ndipo ŵanguza nalo bokosi la phanganu la Ambuya ŵa maŵanja, ŵeniwo akujarikika pa makerubi; ŵana ŵaŵi ŵaku Eli, Hofini ndi Finehasi, ŵenga kwenikuwa ndi bokosi la phanganu laku Chiuta.

1 Samuele 6:21

Viyo ŵangutuma mathenga kuŵa kuja mu Kiriata-jearimi, ŵakuti, “ŴaFilisti ŵawezga bokosi la Ambuya. Sikiyani kuno mulitore ko kwinu.”