1 Mikoka 11:5 - Tonga Bible 1986

⁵ Ŵakuja mu Yebusi ŵanguti kwaku Davidi, “Kuti ukazanga kuno cha.” Kweni ndipuuli Davidi wanguronda malinga ghakukho gha Zioni, wo ndi msumba waku Davidi.

1 Mikoka 11:5 ပူးပေါင်းရင်းမြစ်များ

2 Samuele 5:9

Ndipo Davidi wanguja mu linga, ndi wangulidana linga la msumba waku Davidi, ndipo Davidi wanguzenga msumba zingirizge kutuwa ku Milo mpaka mukati.

2 Samuele 6:10

Viyo Davidi kuti wangukhumba cha kutole Bokosi la Ambuya mu muzi wake; kweni Davidi wangulitore ku nyumba yaku Obededemu mu Giti.

2 Samuele 6:12

Ndipo kungukambika kwaku Davidi karonga kuti, “Ambuya atumbika nyumba yaku Obededomu, ndi vyose vyo wenavyo, chifukwa cha Bokosi laku Chiuta.” Sono Davidi wanguruta kwachito Bokosi laku Chiuta ku nyumba yaku Obededomu wanguza nalo mu muzi wake ndi kukondwere;

1 ŴaKaronga 8:1

Pavuli Solomoni wanguwunjika pamoza ŵara ŵaku Yisraele, ndi ŵarongozgi wose ŵa mafuku, ŵarongozgi ŵa nyumba za auskeu ŵa khamu laku Yisraele, paurongo pa karonga Solomoni mu Yerusalemu, kwachito bokosi la phanganu la Ambuya kutuwa mu msumba waku Davidi, wo ndi Zioni.

1 Mikoka 11:4

Davidi ndi ŵaYisraele wose ŵanguruta ku Yerusalemu, yo ndi Yebusi, kweniko kwenga ŵaYebusi, wo ŵenga ŵenicharu.

1 Mikoka 11:6

Davidi wanguti, “Yo yose wangakoso ŵaYebusi wakaŵanga fumu ndi murongozgi mura wa nkhondo.” Ndipo Yoabu mwana waku Zeruya ndiyo wangudanga kwachirwa, ndipo wanguŵa fumu.

1 Mikoka 11:7

Davidi wajanga mu linga lakukhozgeka; chifukwa cho ungudanika msumba waku Davidi.

2 Mikoka 5:2

Viyo Solomoni wanguwungang'a ŵaraŵara ŵaku Yisraele ndi ŵara wose ŵa mafuku, ndi wose ŵara ŵa nyumba za auskeu za ŵaYisraele ku Yerusalemu kwachito bokosi la phanganu la Ambuya, kulituzga mu msumba waku Davidi; wo ndi Zioni.

Sumu 122:5

Kwenikuwa ndiku kukujarikika vitengo vya cheruzgu, vitengo vya nyumba yaku Davidi.

Sumu 132:13

Ambuya asankha Zioni; akhumba kumanga uja wawo penipa;

Sumu 2:6

“Ndamika karonga wangu pa Zioni, phiri langu lakupaturika.”

Sumu 48:2

Phiri lake lakupaturika, lakutowa mwakukwere nchimwemwe cha charu chose chapasi, Phiri Zioni, kuchiri ku nkhonde, msumba wa karonga mukuru.

Sumu 78:68

Mu malo ghake angusankha fuku laku Yuda, ndi phiri Zioni, lo angwanja ukongwa.

Sumu 87:2

watanja msumba wa Yerusalemu kwakuruska malo ghose ghanyake mu Yisraele.

Sumu 87:5

Ghaku Zioni ŵakatinge, mitundu yose nja mwenimuwa, ndipo ŵapachanya Limu ndiyo wakaukhozganga.

Sumu 9:11

Mbiyani marumbu ku Ambuya, akuja mu Zioni! Taulani mukati mu ŵanthu nchitu zawo!

ŴaRoma 9:33

uli ndimo kwalembeke, “Awonani, ndiŵika mu Zioni mwa wachiguŵisku ndi jarawe la chiwiska: ndipo yo ngwakuvwana paku iyo kuti walengeskekenge cha.”

ŴaHebere 12:22

Kweni mwaziya ku phiri Zioni ku Msumba waku Chiuta wamoyo, Yerusalemu wakuchanya, ndi ku maurapasi ghakuru gha ŵangelo,

Chivumbuzi 14:1

Ndipo ndingulereska, ehe, Mwana-mberere wanguma pa phiri Zioni, ndipo pamoza nayo penga vikwi machumi pe chumi ndi machumi ghanayi ndi vinayi (144,000) wo ŵenga ndi zina lake, ndi zina la Awiske, lakulembeka pa mphumi zawo.

Ŵeruzgi 19:10

Kweni munthu yo kuti wangukhumba cha kugona so pa: wangusoka ndi wanguruta, ndipo wangufika kwakulereskana ndi Yebusi, yo ndi Yerusalemu. Pamoza nayo wenga ndi mbunda ziŵi za katundu, ndi mbiligha yake.

1 Samuele 17:26

Sono Davidi wangurongoro ndi ŵanthu wo ŵenga pafupi nayo, “Kukamuŵiyanganji munthu yo wangabaya muFilisti uyu, ndi kutuzgapo chitozeru pa Yisraele? Pakuti ndiyani nayo muFilisti wambura kuchinjika uyu, kuti wanyozenge maŵanja ghaku Chiuta wamoyo?”

1 Samuele 17:36

Ndamteŵeti winu ndabayapo zinkharamu ndi ŵachipembere ndipo muFilisti uyu wambura kuchinjika wakaŵanga nge njimoza yaku zo, pakuti wanoza maŵanja ghaku Chiuta wamoyo.”