1 Mikoka 10:7 - Tonga Bible 1986

⁷ Ndipo po ŵaYisraele wose wo ŵenga mu dambo ŵanguwona kuti nkhondo yathaŵa ndi kuti Sauli ndi ŵana ŵake ŵafwa, ŵangusiya mizi yawo ŵanguthaŵa: sono ŵaFilisti ŵanguza ndi kuja mwenimo.

1 Mikoka 10:7 ပူးပေါင်းရင်းမြစ်များ

1 Mikoka 10:6

Ndimu Sauli wangufwiya; iyo, ŵana ŵake ŵatatu, ndi wose ŵa nyumba yake ŵangufwiya pamoza.

1 Mikoka 10:8

Ndipo ku mlenji, po ŵaFilisti ŵanguza kuzachizuwa ŵakubayika, ŵangusaniya kuti Sauli ndi ŵana ŵake ŵawa pa phiri la Gilboa.

ŴaLevi 26:31

Nkhawiskanga misumba yinu, ndi malo ghinu ghakupaturika, ndipo kuti nkharondanga vyakupereka vinu vyafungu lakundikondweska cha.

ŴaLevi 26:36

Ndipo ndikatumanga kulakatuka mu mitima yaku wo ŵaku imwe, wo ŵakasiyikangamo po ŵe mu vyaru vya ŵamawongo ŵawo; ŵakathaŵanga pakuvwa muswayo wa jani lakuputa, ŵakathaŵanga ulaka ndi yo wathaŵa lipanga, ndipo ŵakawanga pasi penipo palivi wakuŵandondoloska.

Marangu 28:33

Mtundu wo mulivi kuziŵa ukarghanga vipasi vya nyata yinu ndi vya kutakataka kwinu kose. Ndipo mukazitiskikanga ndi kuphwanyika rutaruta;

Marangu 28:43

Mlendo wakuŵa mukati mwinu wakaŵanga pachanya pinu, ndipo imwe mukasikiyanga pasi.

Ŵeruzgi 6:2

Ndipo janja laku Midiyani linguŵa la nthazi pa ŵaYisraele ndipo chifukwa cha ŵaMidiyani, ŵaYisraele ŵangujichitiya mazenje gho ghemu mapiri, ndi zimphanji ndi malinga.

1 Samuele 13:6

ŴaYisraele ŵanguti ŵawona kuti ŵafinyikizgika pakuti ŵangunyekezgeka ukongwa, ŵangubisama mu zimphanji, mu majarawi, mu masano, ndi mu zingarande,

1 Samuele 31:7

Ndipo khamu laku Yisraele lo lenga kusirgha linyake la dambo ndi wo ŵenga kusirgha ku Yordane ŵanguti ŵawona kuti ŵaYisraele ŵathaŵa ndi kuti Sauli ndi ŵana ŵake ŵabayika, ŵangusiya mizi yawo ndi kuthaŵa; ndipo ŵaFilisti ŵanguza ndi kujamo.