1 Mikoka 10:4 - Tonga Bible 1986

⁴ Sono Sauli wangunene wakupinga vidya vyake, wanguti, “Solo lipanga lako undigwazi nalo, vinu ŵambura kuchinjika yaŵa ŵangaza ndi kunditombozga.” Kweni wakupinga vidya wangukana; chifukwa wangopa ukongwa. Viyo Sauli wanguto lipanga la mweneko ndipo wanguwiya paku lo, wangufwa.

1 Mikoka 10:4 ပူးပေါင်းရင်းမြစ်များ

2 Samuele 1:20

Mungataulanga ichi mu Gata cha, rekani kuchimemeza mu miseu ya Ashikeloni; vinu ŵangakondwere ŵana ŵanthukazi ŵa ŵaFilisti vinu ŵana ŵanthukazi ŵa mbura kuchinjika ŵangalankhanga.

2 Samuele 1:6

Munyamata yo wanguti, “Mwa mwaŵi ndenga pa phiri la Gilboa; ndinguwona Sauli wagona pa mkondo wake; ndipo ehe, magareta ndi ŵakukwera pa ŵakavalo ŵangufinyirizga.

2 Samuele 17:23

Po Ahitofele wanguwona kuti pengavi yumoza yo wangurondo fundu yake, wangukwera pa mbunda yake, ndi kuruta ku nyumba yake ku muzi wake. Ndipo wanguti wanozga umampha vyose vyamu nyumba yake, wangujigwinjiriya; ndipo wangufwa, ndipo wanguŵikika mu muunda wa awiske.

1 ŴaKaronga 16:18

Ndipo penipo Zimri wanguwona kuti msumba watoreka, wangusere mu chipinda cha mukati cha nyumba ya karonga wangocha ndi moto nyumba ya karonga iyo we mukati, ndipo wangufwa,

1 Mikoka 10:3

Nkhondo yingulimba ukongwa paku Sauli, ndipo ŵakuskoma mauta ŵangumusaniya; wangulasika ndi ŵakupong'a mivwe.

1 Mikoka 10:5

Penipo wakupinga vidya vyake wanguwona kuti Sauli wafwa, nayo wanguwa pa lipanga lake ndi wangufwa.

Machitidu gha Ŵakutumika 1:18

(Ndipo mweniyo wangujiguliya kacharu ndi mphotu ya uwuraurunji wake; ndipo pakuwa pasi kasindira mutu, wanguphumuka mukati, ndi matumbo ghake ghose ghangupunguka.

Machitidu gha Ŵakutumika 16:27

Ndipo mlindamikoli yo, pakuyuka ku tulo, ndi kuwona visasa vya ulinda vyajurika, wanguwewepuwa lipanga, ndi wakhasanga kujibaya, pakurunguruka kuti ŵamikoli ŵathaŵa.

Ŵeruzgi 15:18

Ndipo wangukoreka ukongwa ndi nyota wangudana ku Ambuya wanguti, “Mwapaska chipozomosko ichi chikuru ndi janja la mteŵeti winu; ndipo kumbi sono ndikafwanga ndi nyota, ndi kuwa mu manja gha ŵambura kuchinjika?”

Ŵeruzgi 16:21

ŴaFilisti ŵangumuko ndi ŵangumpokozo maso, ŵanguza nayo ku Gaza, wangumumanga ndi maunyoro gha mkuŵa; ndipo waperanga pa mphe mu nyumba ya ukaidi.

Ŵeruzgi 9:54

Ndipo wangudanirizga ruŵi ku munyamata wakupinga nguru yake, wanguti, “Soro lipanga lako ndi undibaye, vinu ŵanthu pakukamba ghaku ine ŵakatinge ‘Wangumubaya ndi munthukazi.’ ” Ndipo munyamata wake wangumulasa, ndi wangufwa.

1 Samuele 14:6

Ndipo Jonafani wangukamba ndi munyamata wakupinga vidya vyake, “Tiye tambukiye ku linga la ŵanthu ŵambura kuchinjika yaŵa panyake Ambuya atichitiyenge nchitu; chifukwa palivi ko kangakanizga Ambuya kureka kutaska, manyi mpha unandi pamwenga pa umana.”

1 Samuele 17:26

Sono Davidi wangurongoro ndi ŵanthu wo ŵenga pafupi nayo, “Kukamuŵiyanganji munthu yo wangabaya muFilisti uyu, ndi kutuzgapo chitozeru pa Yisraele? Pakuti ndiyani nayo muFilisti wambura kuchinjika uyu, kuti wanyozenge maŵanja ghaku Chiuta wamoyo?”

1 Samuele 17:36

Ndamteŵeti winu ndabayapo zinkharamu ndi ŵachipembere ndipo muFilisti uyu wambura kuchinjika wakaŵanga nge njimoza yaku zo, pakuti wanoza maŵanja ghaku Chiuta wamoyo.”

1 Samuele 31:4

Sono Sauli wangunena ndi wakupinga vidya vyake, “Wewepuwa lipanga lako, undigwaze nalo vinu ŵambura kuchinjika aŵa ŵangaza ŵangandigwaza ndikunditombozga.” Kweni wakupinga vidya vyake wangukana; chifukwa wangopa ukongwa, viyo Sauli wanguto lipanga lake ndi wangujiwiya paku lo.