Yuanis 18:17 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

¹⁷ Nga sombato yo si Pitrus nu woinoi minongipat nu pagar iiri mongoduat nu, “Ikau po gaam mompomaid-a nu lobuw oono?” koo. Sumombuto yo si Pitrus nu, “Okon,” koo.

Yuanis 18:17 ပူးပေါင်းရင်းမြစ်များ

Yuanis 21:15

Nokookan kai yo po, mutongaro yo si Yisus so si Simun Pitrus nu, “Oo Simun, anak ni Yuanis, bana ka nu osamod ko so Aku nu kaalib po nu koosamod nosiro so Aku?” koo. Sumombuto yo si Pitrus nu, “Oo Tuhan, noilaan Mu yo nu osamod aku so Ikau,” koo. Mutongaro yo si Yisus nu, “Ipati yo ongo uyog nu dumba Ku no,” koo.

Yuanis 18:25

Kakal po mundii-dii si Simun Pitrus so obi' nu apui-i, duato yo sono iyo nu ongo lobuw-i nu, “Ikau bo gaam nga mompomaid-a nu lobuw oono,” koo. Nga mongolimo yo iyo nu, “Okon,” koo.

Yuanis 18:16

Si Pitrus minongindad-a so dilabus-i. Lumobuso yo sono ido mompomaid iiri mokimutangar-tangar nu woinoi moongipat nu pagar-i, om owito yo niyo si Pitrus masuw.

Lukas 22:54

Okomo yo nosiro si Yisus mongowit so waloi nu Imam Maayo ri, om muut-suut-a si Pitrus so nosiro.

Matius 26:33

Mutongaro yo si Pitrus nu, “Poogol pona nosiro so Ikau, nga aku dai ya,” koo.

Pinongoorapan 12:13

Koritiko yo niyo pintu ri, om lumogaa yo ido uripon woinoi, ngaran niyo si Ruda, mongilo ong isai mongoritik-i.

Yuanis 18:8

Mutongaro yo Iyo nu, “Inobaran Ku yo iri kou nu Aku yo diumon muyu no. Bang Aku yo su diumon muyu, posimaidi muyu ya ongo lobuw maid-waid s'Aku no,” koo.

Yuanis 18:5

Sumombuto yo nosiro nu, “Modium kai so si Yisus, iri lobuw Najarit-i,” koo. Sumombuto yo Iyo nu, “Aku yo diumon muyu no,” koo. Mundii-dii ya si Yudas, mongoraai iiri so obi' nosiro ri.