Pinongurugan 49:6 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

⁶ Dai ya su maid-waid nu puupokatan muyu, om d'ado aku ya so puimpugan muyu, so' koduung mungot kou, momatoi kou nu lobuw, om wintoson muyu akod nu sapi olapon muyu nu kolilangan.

Pinongurugan 49:6 ပူးပေါင်းရင်းမြစ်များ

Pinongurugan 34:30

Mutongaro yo sono si Yakub so inonakan niyo ri nu, “Sobana ko mongaagut kou so aku. Kosiono kiawi' lobuw nu Kanaan om Piris rumoraayan sono so aku. Lobuw toko no owako ya. Bang mugapi' nosiro mongolawan so toko, oluwus toko matoi,” koo.

Lagu 26:9

Kodi aku yo powaido nu lobuw kikoraayan momatoi. Ingoligi aku yo su' dai aku kowowaid nu ukuman so lobuw moomatoi.

Lagu 16:9

Indadi, osanang inawo ku, osudu'an aku sobana, om osapul kowiawan ku.

2 Kurintus 6:14

Adang-o mokimuuna'-una' nu lobuw dai poimaid so si Yisus, so' dai muinong lobuw poimaid so si Yisus om lobuw dai poimaid. Dai otoop ong lobuw moomaal nu koworongan mokimuuna'-una' nu lobuw moomaal nu koraayan. Dai muinong lobuw poimaid sobana so Kinoringan om lobuw dai poimaid so Kinoringan, soko onawau su dai muinong nu otuong.

Lukas 12:19

Oopod ku yo waloi oono, k'aku sono so inawo ku, Osanang aku yo sono! Nokaalap aku yo nu onu yo po owarong, om muuma' aku yo nu itu botoun-toun. Mintoron aku po sono om mongokan monginum om murami-rami,’ koo so inawo nu lobuw doyaan oono.

Lagu 64:2

Ingoligi aku yo kiat so puupokatan nu lobuw odouraka, kiat so padu-padu nu lobuw osuang koraayan.

Lagu 57:8

Rumios aku mulagu maid nu tangkung om kosapi. Dai po musit su runat, rumios aku yo.

Pontudukan 12:5

Musuat ong padu-padu nu lobuw obana, nga pontudukan nu lobuw oraai mokipopongaakal dadan.

Pontudukan 1:11

Kalu mutangar nosiro nu, “Modium toko bo nu lobuw potoyon. Ibon-i toko bo lobuw d'ado sala' no.

Lagu 139:19

Oo Kinoringan, potoyo yo lobuw oraai. Porowuo yo kiat so aku lobuw moomatoi.

Lagu 103:1

Oo su inawo ku, royowon-o TUHAN! Moingin aku mongorayou nu TUHAN so kowiawan ku.

Lagu 43:5

Dai musuat nu olunggui aku soko itu om dai otoop nu maagut inawo ku no. Musuat ong umarap aku so Ikau. Oo Kinoringan, iri moonapul s'aku. Mongorayou aku so Ikau.

Lagu 42:11

Dai musuat nu olunggui aku soko itu, om dai otoop nu maagut inawo ku no. Musuat ong umarap aku so Ikau. Oo Kinoringan, iri moonapul s'aku. Mongorayou aku so Ikau.

Lagu 42:5

Dai musuat nu olunggui aku soko itu om dai otoop nu maagut inawo ku no. Musuat ong umarap aku so Ikau. Oo Kinoringan, iri moonapul so aku. Mongorayou aku so Ikau.

Lagu 30:12

Pagka soko ono, dai aku moingin modog-odog-a, sondiang ko mulagu sono mongorayou so Ikau. Oo TUHAN, Ikau-o su Kinoringan ku. Mongunsopot aku so Ikau musingkolaid.

Lagu 28:3

Kodi aku yo powaido mongukum so lobuw momaal nu koraayan. Maalus totongaron nosiro, nga bang so inawo, osuang sobana koraayan.

Lagu 5:10

Oo TUHAN Kinoringan, ukumo om insaadi yo nosiro. Otoop ong ono yo padu-padu nosiro oraai-o su koraag so nosiro. Pagka sobana ko maayo koraayan nosiro, om lumawan so Ikau, susubo yo nosiro kiat so tiningkuangon Mu.

Lagu 1:1

Osanang sobana lobuw dai maid nu pontudukan nu lobuw oraai, om dai lumalan so lalan nu lobuw kisala', om dai mokimuuna'-una' so lobuw momubaag nu Kinoringan.