Lukas 6:30 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

³⁰ Ponaak-o so lobuw mokitaak nu onu-onu ya so ikau, om kodi yo ulio gonggamon sinolod so ikau-o.

Lukas 6:30 ပူးပေါင်းရင်းမြစ်များ

2 Kurintus 8:9

Noilaan muyu yo nu maayo sobana koworongan ni Tuhan Yisus Kristus so kou. Pudi pona nosongapan Niyo onu-onu ya so surga, nga sinumiliw Iyo nu lobuw d'ado onu-onu songapan, tayon Niyo ong kotorima' kou nu kiawi' koworongan so surga.

Pinongoorapan 20:35

Kiawi' iitu no winaal ku tayon ong oilaan muyu nu subai owasa mugogoma'on om monabang nu lobuw kikosimpitan. Ondomo toko yo tinangar ni Tuhan Yisus nu, ‘Owarong po monaak ko' taakan,’ koo ri,” koo si Paulus.

Matius 6:12

Ompuno yo kiawi' koraayan mai ri, soko kai nga mongampun-a nu lobuw kikoraayan so kai.

Lukas 18:22

Norongou-o po ni Yisus sambut nu lobuw iiri, mutongaro yo Iyo nu, “Ido po mupatut waalon mu, ono yo wolii yo kiawi' orata' mu no om toyad-toyado orogo no so lobuw omiskin. Bang waalon mu ono, kikowiawan ko musingkolaid maid so Kinoringan. Owaal mu ono om maid ko nai' so Aku,” koo si Yisus.

Pontudukan 21:26

Oowianan iyo momikir nu onu yo po koinginan niyo, nga lobuw obana monaak d'ado ontob.

Lagu 41:1

Osanang-o lobuw mongupati nu lobuw okugui, so' tobangan-a iyo nu TUHAN ong kikoogutan iyo.

Pontudukan 19:17

Onu yo po nitaak mu so lobuw omiskin, soko poidam ko ya so TUHAN, om TUHAN-o su monuli' so ikau.

Lukas 12:33

Wolii yo kiawi' orata' muyu no om toyad-toyado muyu siin-o so lobuw kikosimpitan. Bang waalon muyu ono, soko momaal kou nu poianan nu siin dai musiba', ono yo orata' nitou' so surga, so' dii yo po so surga d'ado yo lobuw monakou, om d'ado yo gagat mongoraag.

Lukas 11:41

Nga potaako muyu yo asuw nu pinggan muyu no so lobuw omiskin. Bang soko ono waalon muyu, torima'on kou nai' nu Kinoringan.

Lukas 6:38

Ponaak kou yo nu onu-onu so lobuw, su' taakan kou nu Kinoringan, om kotorima' kou nu itaak nu noinsok po sampai mada'-ada' po so sukuban. Sukuban pokayon muyu suat so lobuw, ono ya su pokayon nu Kinoringan suat so kou,” koo si Yisus.

Matius 18:35

Ompusi yo ni Yisus salig-salig iiri nu, “Soko ono ya pudi gama' nu Amo Ku so surga so ido soido, ong dai kou mongampun nu sulod muyu nu otoroido inawo,” koo.

Pontudukan 22:9

Lobuw owarong inawo om obintaak, borokatan nu TUHAN, so' mongobaagi' iyo so lobuw omiskin.

Lagu 112:9

Toyad-toyadon niyo orata' niyo no so lobuw omiskin, om dadan momaal nu owarong. Ono yo ko' obasag iyo om orumaton musingkolaid.

Ipisus 4:28

Lobuw moonakou, adang-o sono monakou, otulid-o inowoon mugogoma'on suat so ingkookan om monabang nu lobuw kikosimpitan.

Matius 5:39

Nga mutangar Aku kosiono so kou nu, adang-o sumuli' nu koraayan so lobuw mongoraai so ikau. Ala' nai' bang sompakon nu lobuw ilaan wanan mu no, posompaki po ilaan gibang mu no.

Lukas 6:29

Bang sompakon nu lobuw sompodi ilaan mu no, posompaki po sompodi no. Bang solodon sabung mu otalup-o yo, taaki nai' sabung mu owagu no so iyo.

Lukas 6:31

Pomaal-o so lobuw wokon nu onu yo po koinginan muyu waalon nosiro so kou.