Lagu 72:17 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

¹⁷ Muda-mudaan ong ondomon-a ngaran nu raja musingkolaid, om rumuang-a kobontugan niyo laid nu kirunat po. Muda-mudaan ong mokiborakat ongo bansa so Kinoringan soko poongoborakat Niyo nu raja oono.

Lagu 72:17 ပူးပေါင်းရင်းမြစ်များ

Matius 1:23

“Ido roraa momontian om muanak nu lolaing kusoi. Om paawon Iyo so si Imanuil,” koo ri, orati nu Imanuil so tangar Ibrani, “maid-waid Kinoringan so toko”.

Lagu 89:36

Polaidon Ku iyo mogkuasa, sampai osulangan po nu anak mongkupu niyo.

Pinongurugan 12:3

Borokatan Ku lobuw mongoborakat so ikau. Om sumpaan Ku lobuw monumpa so ikau. Om mokiborakat sono kiawi' bansa so Aku, soko poongoborakat Ku so ikau,” koo.

Lukas 1:48

Pudi pona aku yo su lobuw nokobaba', nga dai ya su lupaan Niyo! Kiat-o nu ono sono tu, kiawi' lobuw mutangar nu maayo kosonangan ku,

Pilipi 2:10

Om kiawi' piningwaalan so surga om so wonuo tu, om so konomotayan, mongusaa' so si Yisus, nu pongorumat so Iyo.

Pinongurugan 22:18

Kiawi' bansa so wonuo tu mokiborakat so Aku soko poongoborakat Ku nu solusuk mu no, kiat so pinongosipan mu nu pinonuu'an Ku no,” koo

1 Pitrus 1:3

Mongunsopot toko yo so Kinoringan, Amo ni Yisus Kristus, iri Tuhan toko! Otoop ong mongunsopot toko, so' pagka sobana ko oluluudan Iyo so toko, tinaakan toko yo Niyo nu kowiawan wagu. Om ono yo su orapan toko nu oluli'an toko ong wagu, so' noluli'an-o Niyo si Yisus Kristus.

Kulusi 1:3

Koduung mogdu'a kai yo suat so kou, mongunsopot kai ya so Kinoringan, Amo ni Yisus Kristus, Tuhan toko,

Ipisus 3:14

Pagka sobana ko binorokatan toko nu Kinoringan, iri nopoimaid-o so si Kristus, ono yo ko' mogdu'a aku so Amo toko so surga,

Ipisus 1:3

Royowo toko yo Kinoringan Amo nu Tuhan toko Yisus Kristus, so' pagka nokopuido toko yo dii si Kristus, nitaak Niyo so toko kiawi' borakat so atod toko nu ono sono tu om musingkolaid.

Galatia 3:14

Winaal ni Kristus soko ono tayon ong koompit-a pudi lobuw okon ko Yaudi nu borakat iri nijanji nu Kinoringan so si Abraham, om kotorima' sono nu Atod Niyo, iri nijanji Niyo, mogkuasa so toko lobuw poimaid so Iyo.

Pinongoorapan 3:16

Kuasa yo ni Yisus su nokopali' nu lobuw kakung iitu. Onu yo po nosiou om noilaan muyu iitu, nourug so' poimaid kai so si Yisus. Iri yo su nokopali' nu lobuw iitu so tiningkuangon muyu tu.

Matius 1:21

Muanak iyo nu lolaing kusoi om subai ingoranan mu Iyo so si Yisus, so' Iyo yo su monapul nu lobuw songapan Niyo ungkiat so ponginsaadan nu Kinoringan suat nu koraayan nosiro,” koo susuu'on-i.

Lagu 45:17

Lagu ku tu yo su potuturan nu koobantug mu musingkolaid, om kiawi' lobuw mongorayou sono so ikau musingkolaid.

Pinointolang 15:4

Oo Tuhan, kiawi' lobuw mongorumat so Ikau, om kiawi' lobuw moingin paabar nu kobontugan Mu, so' Ikau-o su ado koraayan, om kiawi' bansa mongusaa' so Ikau, so' nokointolang Mu yo koworongan Mu so kiawi' lobuw,” koo nosiro.

Lagu 21:7

Umarap raja so TUHAN Sobana ko Opangkat, om pagka dadan monamod TUHAN so iyo, kopogkuasa iyo musingkolaid.