Zeims 5:13 - Godón Buk

¹³ Ia darrü oloma yabü aodó müpdügab azid aengda? Wa tóre ki eko. Ia darrü olom barnginwómdüma? Wa Godón agür wórr ki batolón.

Zeims 5:13 ပူးပေါင်းရင်းမြစ်များ

Wórr Peba 95:2

Mi kya oya obzek kwata togobón oya eso akyanóm, mi kya taegwarr apónónóm bagürwómpükü wórri oya agürüm.

Zona 2:2

wagó, “Kólba ini müpdü, Lod, ka marü ngimliarró, da ma kürü bóktan kuri salkomóla. Ini büdülab bwóbdügab, ka marüka tangbamtinüm górrgarró, da ma kürü kurrkrrua.

Zona 2:7

Ka kólba nóma küp bamkórró, wa, kürü arróla blakónóm kain yarilürr, da Lod, ka marüka tóre ekorró. Ma kürü kurrkrrurrü moba Gyabi Müótüdü.

Metyu 26:30

Da módóga, i Godón wórr we atop. Ene kakóm, i we ogobórr ⌊Olib Pododó⌋.

Morroal Bóktan Yesunkwata Luk Ne Bóktan Wialómórr 22:44

Yesu wirri gyaur akó azidzan küp bamkónórr, da wa wirri arüngi tórem we bainürr. Oya gügürüma óe pwópzan bókan yarilürr tüpdü.

Morroal Bóktan Yesunkwata Luk Ne Bóktan Wialómórr 23:42

Da módóga, ene pama we bóktanórr wagó, “Yesu, ma King ngi nóma bateno moba Balngomól Bwóbdü, sab kürü gyagüpi kümanikke!”

1 Korrint 14:15

Da ka laró tónggapono? Ka sab Godka tóre eko-o kólba samu-i, a ka ta sab Godka tóre eko-o kólba gyagüpitótóke; ka sab wórr ato-o kólba samu-i, a ka ta sab wórr ato-o kólba gyagüpitótóke.

1 Korrint 14:26

Da zonaretal, ka laró poko bóktono? E nóma kwób bazendakla Godón ótókóm, yabü blamanab darrü kla asine: darrü wórr, umulbain bóktan, anikürrün bóktan God ne poko okaka simzazilürr, umul-kók bóktane bóktan, ó umul-kók bóktan müsirrga ain bóktan. Blaman ini elklaza ki tómbapónónóm sosan pamkolpamab amkoman bangun dódórr ainüm.

Epesus 5:19

Yabiób darrpan-darrpandó wórr bóngyalólam igó opore, Godón Bukdü wibalómórrón ne klamko, akó Godón agür wórri akó ngibürr samuan ngarkwatódó wórri. Wórr bóngyalólam akó wórr elklaza bapulólam Lodka yabiób moboküpi.

Ibrru 5:7

Yesu ini tüpdü nóma ngyaben yarilürr, wa wirri arüngi tóre bako yarilürr Godka arrat-arrat yón akó yarrmurrpükü. Wa Godka tóre bako yarilürr, gaodó nótó yarilürr oya zid ainüm büdüldügab. Akó wa oya tóre arrkrrurr, zitülkus wa Godón gum-gum ⌊ótók⌋ yarilürr, akó ubi bainürr tónggapónóm God oya ne kla yalórr tónggapónóm.

Zeims 5:10

Zonaretal, ⌊prropet⌋ gyagüpi amónam, Lodón ngidü nidi bóktan kwarilürr. Ibü nütaninam, i enezan zao-zao ngyaben kwarilürr, enana i azid aengóp.

Okaka Amzazirrün Kla 14:3

Akó i küsil wórr ato kwarilürr Godón kingan mórran kla obzek kwata akó ene tokom ngyaben klamab obzek kwata akó ene ⌊balngomól byarrmarr pamab⌋ obzek kwata. Darrü olom gaodó koke yarilürr ini wórr umul bainüm, a wata ene 144,000 pamkolpam, God tüpdügab nibiób ⌊aurdü amanórr⌋.

Okaka Amzazirrün Kla 7:10

Akó i wirri gyagüpi taegwarr apónóp wagó, “Zidbain kibü Godkagaba, kingan mórran klamdó nótó mórranda, akó Sip Kupodógab!”