Pilipi 2:9 - Godón Buk

⁹ Da we ngarkwatódó, God oya kwit igasilürr amkoman wirri pabodó kwitüdü akó oya ene wirrian ngi ekyanórr, blaman ene ngibürr ngidügab.

Pilipi 2:9 ပူးပေါင်းရင်းမြစ်များ

Bwób Zitül 3:15

Ka sab alzizi aman ngyaben sidüdo, matóka kol, akó marü küp akó oya küp; oya küpa sab marü singül emkóle, akó ma sab oya küpan wakub elóngo.”

Wórr Peba 110:1

Lod God igó bóktanórr kürü Lodódó wagó, “Ma ae mórra ini wirri pabodó, kürü tutul tangdó, kókó ka sab marüka nidi bóka bamgündako, ka sab ibü inzan ninünümo, marü wapór nisab ngón ngagón klamóm.”

Wórr Peba 110:5

Lod marü tutul tangdó asine marü tangamtinüm. Oya wirri ngürsila ne ngürrdü simige, sab ngibürr king memokan ekrrale.

Aesaya 53:12

We ngarkwatódó, ka sab oya wirri ngi mórran poko ekyeno, ka sab oya mórran poko ekyeno arüng pampükü. Zitülkus módóga, wa tóba arról ekyanórr akó nurrótókórr, akó oya igó ngakónóp wagó, wa gida amgün pama. Wa abün pamkolpamab gida amgün bamselórr akó wa kürüka tóre ugósüm ekorr, ka ibü kolae tonarr iade ki amóna.’”

Aesaya 9:7

Oya balngomóla akó oya balngomóla ne paud ódódda wata dódórr bain yarile metat. Wa sab balngomól yarile, king Deibidün pabo apad pamzan, wa sab balngomól yarile king Deibidün alngomól bwób. Wa ene balngomól bwób tónggapóne akó ngakan yarile dümdüm tulmili akó ⌊dümdüm tonarre⌋ ini tonarrdógabi akó metat-metat. Wirri Arüng ⌊Lod⌋ wa wirri ubia ini kla tómbapónóm.”

Metyu 11:27

“Blaman kla kürü Aba kuri küliónürr. Darrü olom umul-kóka Godón Olombóka, wata Ab umul tebea. Akó darrü olom umul-kóka Abbóka, wata oya Olom umul tebea, akó wa nibiób aleanda tóba Ab okaka amzazilüm.

Metyu 28:18

Yesu ibü minggüpanan nóma tamórr, ibübóka wagó, “Kürü Aba blaman ene balngomól arüng kókyanórr, kwitüm akó tüpdü.

Morroal Bóktan Yesunkwata Luk Ne Bóktan Wialómórr 10:22

Yesu akó pamkolpamdó we bóktanórr wagó, “Blaman kla kürü Aba kuri küliónürr. Darrü olom umul-kóka, Godón olom ia oloma. Wata Ab umul tebea. Akó darrü olom umul-kóka Ab ia oloma. Wata oya Olom umul tebea, akó wa nibiób aleanda tóba Ab okaka amzazilüm.”

Morroal Bóktan Yesunkwata Zon Ne Bóktan Wialómórr 13:3

wa umul yarilürr wagó, Aba blaman kla oya tangdó kuri irrbüne. Wa umul yarilürr, wa Godkagabi tamórr, da wa akó Godka alkomóldase.

Morroal Bóktan Yesunkwata Zon Ne Bóktan Wialómórr 17:11

Ka myamem ini tüpdü babulóla, a i wa ini tüpdümako. Ka wa marüka alkomóldóla. Gyabi Ab! Ma ibü nódlóngnóm mobanóm ngian wirri arüngi, ma kürü ne ngi kókyarró. Ene igósüm, i darrpan pamóm ki bainünüm, mizanamli.

Morroal Bóktan Yesunkwata Zon Ne Bóktan Wialómórr 17:12

Ka inküzan namülnürrü, ka ibü bódlang namülnürrü marü wirri arüng ngidü, ma kürü ne ngi kókyarró. Ka ibü bódlang namülnürrü, da darrüpa kokean bamrükürr. Wata darrpan yarilürr, ene wa kolae bain oloma, sab wató bamrüke, marü moba Wialómórrón Bóktan küppükü ainüm.

Morroal Bóktan Yesunkwata Zon Ne Bóktan Wialómórr 17:5

Ba! Errkyadan ma kürü ene wirri ngi ugó salkomól moba obzek kwata, kürü ne kla yarilürr, mi darrpan pokodó nóma namülnürri. Tüp a pülpül solkwat tómbapórri.

Epesus 1:10

Ini angrirrün bóktan módóga: Oya angrirrün tonarrdó God sab blaman kla darrpan pokodó simarrue, kwitüdü ne elklazako akó tüpdü ne elklazako, akó Kerriso sab ibü singüldü pam yarile.

Kolosi 1:18

Akó Kerriso tüób büban singüle, ene wa, sos pamkolpamab singüldü pam, zitülkus wa sosan zitüla akó God oya ngaen-gógópan irsümülürr büdüldügabi metat ngyabenóm. Ene igósüm, Kerriso tüób amkoman singüldü pamóm baine blaman elklazadó.

2 Tesalonika 1:12

Ki inzan tóredakla, igósüm mibü Lod Yesun ngi wirri kwitüm emngyerre, wa tóba pamkolpamabkü ne kla tómbapónórr, akó igósüm wa yabü agür yarile, mibü God akó Lod Yesu Kerrison gail tonarr ngarkwatódó.

Ibrru 1:4

Ene igó poko okaka amzazilda, God ma oya wirrian yónürr ⌊anerrudügab⌋. Wata ene ngizane, God ne kla ekyanórr, ama wirriana ibü ngidügab.

Ibrru 1:9

Marü ubi yarilürr, dümdüm tonarr ne klamko, akó ma alzizi aman namülnürrü gida ngarkwatódó koke ne kla kwarilürr. We ngarkwatódó, God, marü God marü we müngrinürr wirri ngi bainüm moba kamdaldógab; wa marü müngrinürr akó bagürwóman ngimtanórr.”

Ibrru 12:2

Mi wata metat Yesuka wazilolo. Mi oya amkoman angundakla akó ngambangóldakla zitüldügab kókó blakón bwób. Wa azid piküpan aeng yarilürr krrosdó akó nurrótókórr, büód aeng koke, enana wa büódan kla yarilürr. Wa azid piküpan aeng yarilürr, zitülkus wa umul yarilürr wagó, wa solkwat bagürwómdü ki yarile. Wa errkya mórrarróna Godón tutul tangdó, oya kingan mórran kla minggüpanandó.

Ibrru 2:9

A mi umulakla Yesunbóka, God noan karianbóka tüpana tónggapónórr anerrudügab tugupurr tonarróm. Mi umulakla God oya ngi wirri kwitüm emngyelórr akó wirri ngi atenórr kingzan, zitülkus wa azid aengórr akó nurrótókórr. Ini klama tómbapónórr, igósüm wa ki nurrótóke blaman pamkolpamabkü Godón ⌊gail tonarrdógabi⌋.

1 Pita 3:22

Wa kwitüdü kuri angürürr, da errkya wa wirri pabodómase Godón tutul tangdó. Anerru, arüngpükü kolae samu, akó balngomól kolae samu errkya oya tangdómako.

2 Pita 1:17

Ki umulakla ini amkomana, zitülkus God, oya Ab, wirri ngi nóma atenórr akó zyóni nóma ongang apónórr oya, ki ola asi kwarilnürrü. Ki Godón bómgól arrkrruóp, blaman klamdógabi ⌊wirri kómal zyón⌋ akó arüng noane, oyaka igó bóktankü wagó, “Ini kürü kólbanan Olome. Kürü moboküpdü ubi oyakama. Ka kari bagürwóm kokela oyaka.”

3 Zon 1:7

Zitülkus módóga, izan agóltagól kwarilürr Yesun zaget tónggapónóm, darrü tangbólean koke ipüdóp Yesun amkoman angun-koke kolpamdógab.

Okaka Amzazirrün Kla 1:5

akó Yesu Kerrisokagab. Yesu amkoman moboküpi bóktan amgolda Godónkwata, wa ne kla nósenóp. God oya ngaen-gógópan irsümülürr büdüldügab, akó wa ini tüpan king balngomólda. Oya ⌊moboküpdü ubi⌋ mibükamóma akó wa mibü ⌊aurdü semanórr⌋ mibiób kolae tonarrdógab tóbanóm óe-e.

Okaka Amzazirrün Kla 11:15

7 Ngim anerrua tóba mobolzan kla ipulürr, akó kwitüm wirri bóktan bómgól koralórr, igó bóktande wagó: “Mibü ⌊Lod⌋ God akó oya ⌊Kerriso⌋, ini tüpan kingzan balngomól kuri ipüdi, akó mibü Lod sab ini tüp alngomól yarile, metat-metat.”

Okaka Amzazirrün Kla 19:16

Oya mórrkenyórrdü akó oya waurdü ini ngi wialómórrón namülnürri: “Wirri King blaman kingdügab, akó wirri Lod blaman lodódógab.”

Okaka Amzazirrün Kla 3:21

“‘Kolae nótó ut-ut ainda, ka sab oya dümdüm ekyeno kankü kólba kingan mórran klamdó mórranóm, kazan ibü ut-ut ninarre, kürüka nidi bóka bamgün kwarilürr, da mórran-mórran bairrü kólba Abpükü tóba kingan mórran klamdó.

Okaka Amzazirrün Kla 5:12

I wirri gyagüpi bóktan kwarilürr wagó, “Ene Sip Kupo, noan emkólóp, ngarkwatódóma apadóm balngomól arüng, mórrel, ⌊wirri gyagüpitótók⌋, wirri arüng, wirri ngi, akó wa ngarkwatódóma pamkolpama oya ngi wirri kwitüm amngyelóm akó oya agürüm!”