Morroal Bóktan Yesunkwata, Mak Ne Bóktan Wialómórr 6:46 - Godón Buk

⁴⁶ Yesu pamkolpam yawal bóktan nóma nókyenóp, ene kakóm, wa podo kwitüdü we angürürr, tóre akom.

Morroal Bóktan Yesunkwata, Mak Ne Bóktan Wialómórr 6:46 ပူးပေါင်းရင်းမြစ်များ

Metyu 14:23

Ene kakóm, wa tebe podo kwitüdü we angürürr, tóre akom. Abüsazan mórralórr, Yesu ola ugón wata tebe püóran yarilürr.

Metyu 6:6

A ma tóre akom nóma, moba müótüdü bangrina, mamtae murrausa, da tóre moba Abdó ugón ekoa, asen-koke nótóke. Marü Aba asenda, ma ne kla tómbapóndóla piküpan. Sab marü darrem kla wató mókyene.

Morroal Bóktan Yesunkwata, Mak Ne Bóktan Wialómórr 1:35

Sisa balgón tai küsil yarilürr, Yesu müót zokrrok we amgatórr. Wa ene basirr amgatórr, da kolpam-koke bwóbdü wamórr. Wa ola tóre ako yarilürr.

Morroal Bóktan Yesunkwata, Mak Ne Bóktan Wialómórr 6:47

Abüsazan mórralórr, but ugón malu aodó yarilürr. Yesu wa tebe yarilürr malu kabedó.

Morroal Bóktan Yesunkwata Luk Ne Bóktan Wialómórr 6:12

Ene tonarrdó, Yesu we wamórr pododó tórem. Irrüb we amanikürr Godka tórede.

2 Korrint 2:13

A zitülkus ka kólba zonaret Taetusün ola koke eserró bóktanpükü yabükagab, kürü gyagüpitótók gaodó koke yarilürr ngón agónóm. Da ka yawal bóktan bóktarró amkoman bangun pamkolpamdó, ola nidi koralórr, akó wamórró Masedonia prrobinsdü.

1 Pita 2:21

God yabü igósidi ngibaunürr inzan kwata azid aengóm, zitülkus Yesu Kerriso yabü morroalóm azid aengórr. Inzan kwata, wa yabü nómtyenóp, e laró ki tónggapónane, igósüm e oyakagab tikó apad kwarilo.