Morroal Bóktan Yesunkwata, Mak Ne Bóktan Wialómórr 3:17 - Godón Buk

¹⁷ Zeims akó oya zoret Zon, Zebedin olom nis nidi namülnürri (Yesu ibü ngi we nókyanórr Boanerrges, oya küp módóga: “Ngürsil Pam Nis”),

Morroal Bóktan Yesunkwata, Mak Ne Bóktan Wialómórr 3:17 ပူးပေါင်းရင်းမြစ်များ

Metyu 4:21

Yesu akó enezan wamlórr, akó nis narezoreti pam nis nósenórr, Zebedin olom nis, Zeims a Zon. I tibiób abpükü namülnürri butüdü, dakla net barrgüp namülnürri. Yesu akó ibü nginaunürr oyaka solkwat akyanóm.

Morroal Bóktan Yesunkwata, Mak Ne Bóktan Wialómórr 10:35

Zeims a Zon, Zebedin siman olom nis nidi namülnürri, Yesuka turrürri, da i bóktarri wagó, “Umulbain Pam, kibü ubi ma darrü kla sab tónggapono kibünkü, ki ne klamóm batodamli.”

Morroal Bóktan Yesunkwata, Mak Ne Bóktan Wialómórr 14:33

Wa tóba aüd umulbain olmal yazebórr, Pita, Zeims, akó Zon. Yesun bübdü wirri gyaur akó müp gyagüpitótóka we togobórr.

Morroal Bóktan Yesunkwata, Mak Ne Bóktan Wialómórr 3:16

Ene 12 arrbürrün pam módógako: Saemon (noan ngyesilürr Pita),

Morroal Bóktan Yesunkwata, Mak Ne Bóktan Wialómórr 3:18

Endrru, Pilip, Barrtolomyu, Metyu, Tomas, akó darrü Zeims, Alpeiusün olom nótó yarilürr, Tadeius, akó darrü Saemon, ngaen Zilot pam nótó yarilürr,

Morroal Bóktan Yesunkwata, Mak Ne Bóktan Wialómórr 5:37

Yesu blaman pamkolpam nólónóp wankü tótókóm. Pita a Zeims akó oya zoret Zon, wata idi ogobórr.

Morroal Bóktan Yesunkwata, Mak Ne Bóktan Wialómórr 9:2

6 Ngürr kakóm, Yesu ibü yazebórr, Pita, Zeims, akó Zon. Wa ibü imarrurr wirri pododó. I wata tibi kwarilürr ene pokodó. Ibü obzek kwata oya büba darrü tonarr bainürr.

Morroal Bóktan Yesunkwata Luk Ne Bóktan Wialómórr 9:54

Zeims akó Zon igó nóma ngakarri wagó, Yesun ini pamkolpama morroal tonarre koke ipüdóp, da bóka itarri wagó, “Lod, ia marü ubia, ki kubó Godón imtini ur zirrapónóm kwitüdügab ibü almitüm?”

Morroal Bóktan Yesunkwata Zon Ne Bóktan Wialómórr 21:2

Saemon Pita, Tomas (oya Didimusbóka ngilianónóp), Natana-el (wa Keina basirr pam yarilürr, Galili prrobinsdü), Zebedin siman olom nis, akó nis umulbain olom nis, i blaman darrpan pokodó kwarilürr.

Ibrru 4:12

Mi wirri arüngi apad kwarilo, zitülkus Godón bóktan arróla akó tomkompükü zagetóda. Wa zirrana nizan kwata zirrapórrón turrikdügab, akó mibü aumana gyagüpitótók pupo bainda, zitülkus wa alam koke bangrinda igó, wa auma büb murr akó samu syórr angónda, wamaka turrika kwók akó susumüri singgalgónda. Inzan Godón bóktana we kla panzedó amanda, paman gyagüpitótókdó ne klame. Wa we elklaza zaz bainda, moboküpa ne kla gyagüpi amanda akó ne klamóm ubi bainda.

Okaka Amzazirrün Kla 10:11

Kürü küzazilürr wagó, “Ma Godón bóktan akó büdrrat namülünke prropetzan, sab laróga tómbapórre abün bwób-bwób pamkolpamdó, abün bóktan pamkolpamdó, akó abün kingdü.”