Morroal Bóktan Yesunkwata, Mak Ne Bóktan Wialómórr 10:33 - Godón Buk

³³ Wagó, “Tübarrkrru! Mi Zerrusalem bamseldakla. I sab kürü, Pamkolpamab Olom nótókla, wirri prrist akó Mosesón gida umulbain pam, ibü tangdó ola küngrirre. Kürü büdül bóktan sab ola kókyerre, olgabi ama akó Zu-koke nidipko, ibü tangdó ugón küngrirre.

Morroal Bóktan Yesunkwata, Mak Ne Bóktan Wialómórr 10:33 ပူးပေါင်းရင်းမြစ်များ

Aesaya 53:3

Pamkolpama oya koke ok inóp a i ma oya alzizi amaiknónóp, wa wirri azid aengórr, akó wa azid aengbóka umul yarilürr. Wa inzan olom yarilürr, pamkolpama tibiób obzek noakagabi nalüngóp. Pamkolpama oya alzizi amaiknónóp akó mi oya morroal koke yangónóp.

Metyu 16:21

Ene ngürrdügabi, Yesu tóba umulbain olmaldó tóba panzedó we pupo bainürr wagó, “Ka sab Zerrusalem wirri basirrdü wamo abün-abün azid aengóm ⌊balngomól byarrmarr pamdógabi⌋, wirri prristdügabi, akó Mosesón gida umulbain pamdógabi. Sab kürü büdülümpükü kómkólórre a aüd ngim ngürrdü, God kürü sab kürsümüle arróldó.”

Metyu 26:66

Yabü gyagüpitótók ia negako?” Blaman ene pama bóktan yalkomólóp wagó, “Wa ngarkwatódóma büdülüm!”

Metyu 27:2

Da i Yesun sye-i amarükóp, we idüdóp, Rrom gabenan tangdó ingrinóp, ngi Paelat.

Morroal Bóktan Yesunkwata, Mak Ne Bóktan Wialómórr 14:64

E oya kolae bóktan kuri barrkrrua: wa Godón ngi kuri kulaine! Yabü gyagüpitótók ia negako?” I blamana igó bóktónóp wagó, “Wa kolae tónggapónórr! Wa ngarkwatódóma büdülüm!”

Morroal Bóktan Yesunkwata, Mak Ne Bóktan Wialómórr 15:1

Irrbianande, wirri prrista, ⌊balngomól byarrmarr pam⌋ akó Mosesón gida umulbain pampükü, blaman Zu balngomól byarrmarr pam nidi kwarilürr, tibiób bóktan we ingrinóp, da i Yesun sye-i amarükóp, we idüdóp, Paelatón tangdó we ingrinóp.

Morroal Bóktan Yesunkwata, Mak Ne Bóktan Wialómórr 8:31

Yesu tóba umulbain we bókyanórr wagó, “Ka, Pamkolpamab Olom nótókla, sab abün-abün azid aeng namulo. ⌊Balngomól byarrmarr pam⌋, ⌊wirri prrist⌋, akó Mosesón gida umulbain pama kürü wata alzizi kümaniknórre. Sab kürü büdülümpükü kómkólórre a aüd ngürr kakóm God kürü sab kürsümüle büdüldügab.”

Morroal Bóktan Yesunkwata, Mak Ne Bóktan Wialómórr 9:12

Wa ibüka bóktan yalkomólórr wagó, “Ilaeza wa ta ngaen-gógópan tótókda, ugósüm blaman elklaza tibiób gaodó akonóm. Da Godón Wialómórrón Bóktana ta igó bóktanda kürükwata wagó, ‘Pamkolpamab Oloma sab abün-abün azid aenge akó oya alzizi amaniknórre.’

Morroal Bóktan Yesunkwata, Mak Ne Bóktan Wialómórr 9:31

zitülkus wa tóba umulbain olmal umul nyónónóp. Wagó, “Darrüpa kürü, Pamkolpamab Olom nótókla, sab pamkolpamab tangdó küngrine. I sab kürü büdülümpükü kómkórre, da aüd ngürr kakóm ka ugón türsümulo.”

Morroal Bóktan Yesunkwata Luk Ne Bóktan Wialómórr 23:21

A i ma güblang-koke we taegwarr kwarilürr wagó, “Krrosdó emngyelam, oya krrosdó emngyelam!”

Morroal Bóktan Yesunkwata Luk Ne Bóktan Wialómórr 9:22

Yesu akó bóktanórr wagó, “Ka, Pamkolpamab Olom nótókla, wata sab abün-abün azid aeng namulo. ⌊Balngomól byarrmarr pam⌋, ⌊wirri prrist⌋, akó Mosesón gida umulbain pama sab kürü wata alzizi kümaniknórre. Sab kürü büdülümpükü kómkólórre a aüd ngim ngürrdü God kürü sab kürsümüle arróldó.”

Morroal Bóktan Yesunkwata Zon Ne Bóktan Wialómórr 18:28

Darrü ngürr irrbianande, Zu wirri ngi pama Yesun Kayapasón müótüdügab idüdóp, ama Paelatón palasdó, gabena nótó yarilürr. Zu wirri ngi pama koke barrbünürr ene müótüdü, zitülkus i ne nóma ki barrbüne, i tómanpükü ki bairre Godón ilküpdü. Olgabi i gaodó koke ki kwarile Büdül Kórzyón Alo alom.

Morroal Bóktan Yesunkwata Zon Ne Bóktan Wialómórr 18:32

Da ini pokoa we ngarkwatódó tómbapólórr, Yesun bóktan küppükü ainüm, wa ne poko bóktanórr, wa sab iazan nurrótóke.

Morroal Bóktan Yesunkwata Zon Ne Bóktan Wialómórr 19:11

Yesu bóktan yalkomólórr wagó, “God marü ene arüng koke nóma ki mókyene, marü ene arüng babul ki yarilün. Kürü marü tangdó nadü pama küngrine, wa wirri kolae kuri tónggapóne marükagab!”

Zeims 5:6

E dümdüm ngyaben pamkolpam zaz ninarre akó büdülümpükü ekrrónarre, gaodó koke nidi kwarilürr yabüka bóka bamgünüm.