Metyu 9:26 - Godón Buk

²⁶ Ne pokoa tómbapónórr, pamkolpama ene bóktan we ayonóp blaman ene bwób órdó ne basirr koralórr.

Metyu 9:26 ပူးပေါင်းရင်းမြစ်များ

Metyu 4:24

Yesunkwata bóktana bayolórr tai kókó Sirria bwóba blamana umul bainürr wagó, Yesu pamkolpam dólóng byónda, da i tibiób blaman azid pamkolpam igósidi we tübarrmülürr oyaka, abün-abün tonarr azid nidi balmil kwarilürr: kolae samupükü nidi kwarilürr, tórrngón azid akó bidal azid nidi kwarilürr. Wa blaman dólóng we nyónónóp ibü tibiób azidüdügab.

Metyu 9:31

A i ene poko nóma amgatrri, i Yesunkwata ene bóktan we büdrratkü aurrnürri blaman basirr-basirrdüma ene bwób órdó.

Morroal Bóktan Yesunkwata, Mak Ne Bóktan Wialómórr 1:28

Da módóga, Yesunkwata bóktana büsai we büdólórr dudu Galili bwóbdüma.

Morroal Bóktan Yesunkwata, Mak Ne Bóktan Wialómórr 1:45

Da ene oloma ma we wamórr, blaman bwóbdüma büdrratkü ne pokoa tómbapónórr. Wa bóktan we ayorr. Yesu ma igósidi gaodó koke yarilürr panzeana tótókóm blaman wirri basirrdü. Ene pokodó, Yesu kolpam-koke bwóbdü igósidi ngyabelórr. Ó da módóga, blaman pamkolpama bwób-bwób we togoblórr ama oyaka.

Morroal Bóktan Yesunkwata, Mak Ne Bóktan Wialómórr 6:14

King Errod, ugón Galili prrobins wató alngomól yarilürr, arrkrrurr Yesu ne poko tómbapón yarilürr, zitülkus Yesun ngia bwób-bwób gwarranórr. Ngibürr pamkolpama igó bóktan kwarilürr wagó, “God Zon Baptaes Bain Pam wa büdüldügab kuri irsümüle. Da ene arünga oyaka ene zitülkusdü zagetóda wirri arüng tonarr tólbaelóm.”

Morroal Bóktan Yesunkwata Luk Ne Bóktan Wialómórr 4:14

Yesu Galili alkomólórr akó Godón Samuan arünga oya büb blaman gwarranórr. Akó oyakwata bóktana bayolórr basirr-basirr ene bwóbdü.

Morroal Bóktan Yesunkwata Luk Ne Bóktan Wialómórr 4:37

Yesunkwata bóktana blaman minggüpanan basirr-basirr we büdólórr.

Morroal Bóktan Yesunkwata Luk Ne Bóktan Wialómórr 5:15

A Yesunkwata bóktana we wirribóka bayolórr ngaendógab. Ini zitülkusdü abün pamkolpama serrngamlórr bóktan arrkrrum, wa ne poko umulbain yarilürr, akó Yesu ibü dólóng bainüm tibiób azidüdügab.

Morroal Bóktan Yesunkwata Luk Ne Bóktan Wialómórr 7:17

Ini bóktana Yesunkwata we bayorr Zudia prrobins kugupidü akó minggüpanan bwóbdüma.