Metyu 4:25 - Godón Buk

²⁵ Oyaka wirri pamkolpamab ngoroa zutalórr Galili prrobinsdügabi akó Dekapolisgabi, Zerrusalem wirri basirrdügabi, Zudia prrobinsdügabi, akó Zodan tobarr dakla dorro ne basirr koralórr.

Metyu 4:25 ပူးပေါင်းရင်းမြစ်များ

Metyu 12:15

Yesu umul yarilürr wagó, Parrisia oya amkal bóktan tónggapón kwarilürr, da ene poko we amgatórr. Abün pamkolpama oyaka we zutalórr. Wa blaman azid is we dólóng nyónónóp,

Metyu 19:2

Oyaka wirri pamkolpamab ngoroa zutalórr, da ibü we dólóng nyónónóp ola.

Metyu 4:15

“Zebulun zitül akó Naptali zitül, yabü bwób Galili Maludübónada, Zodan tobarr dakla dorrodó. Galili, mogob pamkolpamab ngyaben bwób, Zu-koke nidipako!

Metyu 5:1

Yesu ene pamkolpamab ngoro nóma nósenóp, pododó we kasilürr, da mórran-mórran bainürr. Oya umulbain olmal akó ngibürr pamkolpam, oya nidi mamoan kwarilürr, oyaka we togobórr.

Metyu 8:1

Yesu pododógabi nóma tübinürr, wirri pamkolpamab ngoroa oyaka zutalórr.

Morroal Bóktan Yesunkwata, Mak Ne Bóktan Wialómórr 5:20

Da módóga, ene pama we wamórr we bwób órdóma, ngi Dekapolis, tóba okaka bümzazilkü, oyaka Yesu ne kla tónggapónórr. Da blaman pamkolpama gübarirr aengóp.

Morroal Bóktan Yesunkwata, Mak Ne Bóktan Wialómórr 6:2

Darrü ⌊Sabad⌋ ngürrdü, wa umulbain we bókyanórr ⌊Zu pamkolpamab kwóbbazen müótüdü⌋. Abün pamkolpam kwarilürr ene pokodó. Da i oya nóma arrkrru kwarilürr, blamana gübarirr aengóp. I tibióbbóka bütünóp wagó, “Wa ini kla nubógabi ipüde? Ia ini nadü ⌊wirri gyagüpitótóka⌋, oya ne kla akyarróna? Wa ini ⌊arüng tonarr⌋ ia-ia tómbapónda?

Morroal Bóktan Yesunkwata, Mak Ne Bóktan Wialómórr 7:31

Yesu Taerr bwób nóma amgatórr, wa Saedon wirri basirrana wamórr, ama akó Galili Malu kabedó. Wa we bwób órdóma wamlórr, ngi Dekapolis.

Morroal Bóktan Yesunkwata Luk Ne Bóktan Wialómórr 6:17

Olgabi Yesu tóba apostolpükü we tübinürr, da we zamngólórr buruburudü. Ola oya abün umulbain olmal akó pamkolpamab ngoro kwarilürr, blaman Zudia prrobinsdügabi, Zerrusalem wirri basirrdügabi, akó ene bwóbdügabi, Taerr akó Saedon ne namülnürri, malu kabedó ne wirri basirr nis,

Morroal Bóktan Yesunkwata Luk Ne Bóktan Wialómórr 6:19

Akó blaman pamkolpamab ubi wata oya amurrum yarilürr, zitülkus dólóngbain arünga oyakagab tótók yarilürr, da wa ibü blaman dólóng we ninóp.