Morroal Bóktan Yesunkwata Luk Ne Bóktan Wialómórr 8:10 - Godón Buk

¹⁰ Da wa ibüka bóktanórr wagó, “Godón Kingzan Balngomólankwata arrón elklazabóka umul yabü aliórrünako, a ngibürrdü ka go enan alap-alap ikikdóla. Ene igósüm, enana i azildako, i tai kokean asendako. Akó enana i arrkrrudako, i ma bóktanan ⌊küp koke apadódako⌋.

Morroal Bóktan Yesunkwata Luk Ne Bóktan Wialómórr 8:10 ပူးပေါင်းရင်းမြစ်များ

Metyu 11:25

Ene tonarrdó Yesu Godka bóktanórr wagó, “Ka marü agürdóla, kürü Ab, tüp a pülpülan Lod, zitülkus ma ini elklazab amkoman küp iniknürrü wirri gyagüpitótók akó wirri susumüri pamdógabi, da errkya ma popa kolpamdó kuri okaka sizazina, marü kari olmalzan nidi amkoman angundako.

Metyu 16:17

Yesu oyaka bóktan we yalkomólórr wagó, “Marüka barnginwóm ki yarilün, Saemon Pita, Zonón olom! Ini amkoman bóktana popa pamdógab koke tame. A marüka ini bóktan kürü Aba okaka simzazile, kwitüm nótókase!

Morroal Bóktan Yesunkwata, Mak Ne Bóktan Wialómórr 4:11

Wa ibüka we bóktanórr wagó, “Godón Kingzan Balngomólankwata anikürrün klambóka umul yabü akyarróna. A umulbain olmal-koke ne pamkolpamko, ka go enan alap-alap ikikdóla.

Morroal Bóktan Yesunkwata, Mak Ne Bóktan Wialómórr 4:12

Ene igósüm, “‘I wa sab metat azil wa azil kwarile, da i ma tai kokean asen kwarile; i wa sab metat arrkrru wa arrkrru, da i ma Godón bóktanan ⌊küp tai kokean apad⌋ kwarile. Koke ne nóma, i ki tübyalüngórre kürüka, da ka ibü kolae tonarr igósidi ki barrgona.’”

Morroal Bóktan Yesunkwata Zon Ne Bóktan Wialómórr 12:40

“God ibü ilküküp kuri murrnausórre, akó ibü moboküp karrkukus kuri nirre ibü arrkrrugum. Da i tibióbnüm ilküpi igósidi kokean eserre, i tibióbnüm gyagüpitótóke ⌊küp kokean ipüdórre⌋, akó i kürüka ta kokean tübyalüngórre; i kürüka ne nóma ki tübyalüngórre, ka ibü igósidi ki dólóng ninünüma.”

Rrom 16:25

Mi Godón ngi wirri kwitüm ki emngyelnórre! Wa gaodóma yabü arüng akyanóm samuan ngarkwatódó, ⌊Morroal Bóktan⌋ ngarkwatódó ka ne Bóktan amgoldóla Yesu Kerrisonkwata. Ini Morroal Bóktan ene kwindü anikürrün bóktana, anikürrün ne poko yarilürr ngaen bwób zitüldügabi, a errkya ma pulkaka airrüna.

1 Korrint 12:11

Da blaman ini ne elklazako darrpan dadan Samua tólbaelda, akó wa ene gyaur kla arrgrratóda tóba ubi ngarkwatódó darrpan-darrpan amkoman bangun olomdó.

Kolosi 2:2

Kürü ubia yabü blamanab moboküp arüngan ngibtanóm, akó igó, e dabyórrün kwarilo yabü ⌊moboküpdü ubidügabi⌋. Ene igósüm, e Godón bóktanan küp dudu umul kwarilo akó olgabi taiwan umul koralo ene amkomana. Ene wa, e sab Godón kwindü anikürrün bóktan iade umul koralo, ngaen ne poko anikürrün yarilürr. Ene poko módóga, Kerrisonbóka umul.

1 Timoti 3:16

Darrü oloman zitülkus babula igó alpinüm wagó, kwindü anikürrün bóktan Kerriso Yesunkwata, God ne poko okaka imzazilürr, ene bóktan amkoman wirria. Wórrazan bóktanda wagó: Yesu Kerriso okaka tübyónürr pamakan bübi, Godón Samua amkoman pupo syónürr wagó, Yesu Kerriso ne kla tómbapónórr wa dümdüma, akó ⌊anerrua⌋ oya esenóp. God oya kwitümgab sipadórr ene pokodó God nese akó wa ne ongang bapónda ⌊wirri kómal zyóni⌋. Yesun amkoman angun pamkolpama ⌊Morroal Bóktan⌋ oyakwata amgolnónóp pamkolpamdó bwób-bwób. Pamkolpama oya amkoman yangunóp blaman bwób-bwób.