Morroal Bóktan Yesunkwata Luk Ne Bóktan Wialómórr 7:21 - Godón Buk

²¹ I olazan namülnürri, ibü wapi Yesu azid pamkolpam dólóng bain yarilürr akó kolae samua nibiób büb kugupidü ngyaben kwarilürr. Akó wa abün ilküküp murrbausürrün pamkolpam dólóng nyónónóp ngabkanóm.

Morroal Bóktan Yesunkwata Luk Ne Bóktan Wialómórr 7:21 ပူးပေါင်းရင်းမြစ်များ

Metyu 4:23

Yesu we wamlórr basirr-basirr Galili kugupidü, ⌊Zu pamkolpamab kwóbbazen müótüdü⌋ umul bainkü akó Morroal Bóktan amgolkü Godón Kingzan Balngomólankwata. Wa pamkolpam dólóng nyónónóp tibiób blaman ia-ia azidüdügab.

Metyu 4:24

Yesunkwata bóktana bayolórr tai kókó Sirria bwóba blamana umul bainürr wagó, Yesu pamkolpam dólóng byónda, da i tibiób blaman azid pamkolpam igósidi we tübarrmülürr oyaka, abün-abün tonarr azid nidi balmil kwarilürr: kolae samupükü nidi kwarilürr, tórrngón azid akó bidal azid nidi kwarilürr. Wa blaman dólóng we nyónónóp ibü tibiób azidüdügab.

Morroal Bóktan Yesunkwata, Mak Ne Bóktan Wialómórr 3:10

Ngaen-gógópan wa abün pamkolpam we dólóng ninóp, solkwat akó abün azid pamkolpama oyaka ugón togoblórr, tibiób zirrbapónkü. Ibü ubi i oya ki yamurrórre.

Morroal Bóktan Yesunkwata, Mak Ne Bóktan Wialómórr 5:29

Wa Yesun mórrkenyórr nóma yamurrürr, oya ene óe bókana ugón blakónórr. Wa tóba büb küp bamkónórr, wa dólóng kuri baine tóba ini müpdügab.

Morroal Bóktan Yesunkwata, Mak Ne Bóktan Wialómórr 5:34

Yesu oyaka bóktanórr wagó, “Kürü olom, marü moba amkoman banguna dólóng kuri mine. Natók, moboküpdü paud sab marüka asi ki yarilün. Ini azida marü sab myamem koke mümige!”

Morroal Bóktan Yesunkwata Luk Ne Bóktan Wialómórr 7:20

Ene umulbain olom nisa Yesuka tübzirri, da oyaka bóktarri wagó, “Zon baptaes bain pama kibü wató zirrtapóne marü amtinüm, ‘Ia ma módógla, nótó ki tame, prropeta noabóka apón kwarilürr, ta ia ki darrü pam akyan kwarilo?’”

Ibrru 12:6

zitülkus Lod dümdüm atanda, oya ⌊moboküpdü ubi⌋ nibióbkama, akó wa darrpan-darrpan arrbrrükda, wa olomzan noan apadóda.”