Morroal Bóktan Yesunkwata Luk Ne Bóktan Wialómórr 20:17 - Godón Buk

¹⁷ Yesun ilküp wata ibüka yarilürr, da we nümtinóp wagó, “Ini pokoa ne koke nóma tómbapóne, da Godón Wialómórrón Bóktana ne poko bóktanda kürükwata, oya küp babula: “‘Müót balmel pama ne ingülküp alzizi amaiknóp, errkya ma ene müótan zirrgüpdü ingülküpüm wató kuri baine.’

Morroal Bóktan Yesunkwata Luk Ne Bóktan Wialómórr 20:17 ပူးပေါင်းရင်းမြစ်များ

Metyu 21:42

Yesu ibübóka wagó, “E ta ini poko kürükwata etóngarre Godón Wibalómórrón Bóktandó wagó, “‘Müót balmel pama ne ingülküp alzizi amaiknóp, errkya ma ene müótan zirrgüpdü ingülküpüm wató kuri baine. Lod ini kla tüób tónggapónórr, da mibü ilküpdü kari morroal ta kokea!’

Morroal Bóktan Yesunkwata, Mak Ne Bóktan Wialómórr 10:23

Yesu tóba umulbain olmal ngabkanórr akó ibüka bóktanórr wagó, “Sab kari müp koke yarile mórrel pamkolpamab Godón Kingzan Balngomóldó barrbünüm!”

Morroal Bóktan Yesunkwata, Mak Ne Bóktan Wialómórr 12:10

E ta ini poko kürükwata etóngarre Godón Wibalómórrón Bóktandó wagó, “‘Müót balmel pama ne ingülküp alzizi amaiknóp, errkya ma ene müótan zirrgüpdü ingülküpüm wató kuri baine.

Morroal Bóktan Yesunkwata, Mak Ne Bóktan Wialómórr 3:5

Yesu pamkolpam nóma ngabkanórr, oya ngürsila we simiógürr. Wa ta kari gyaur koke yarilürr ene pamkolpamdó, zitülkus ibü baku burrul babulan yarilürr. Yesu ene tang bidal pam we yalórr wagó, “Moba tang ugó adrrat.” Wa adrratórr, da oya tanga tóba gaodó alkomólórr.

Morroal Bóktan Yesunkwata Luk Ne Bóktan Wialómórr 19:41

Yesu Zerrusalem wirri basirrzan ngorram ain yarilürr, akó nóma esenórr, wa basirranbókamóm yón yarilürr.

Morroal Bóktan Yesunkwata Luk Ne Bóktan Wialómórr 22:37

Zitülkus módóga, ka yabü igó byaldóla, Godón Wialómórrón Bóktana ne bóktan opor bóktanda kürükwata, sab küppükü baine kürüka wagó: ‘I oya igó ngakónóp wagó, wa gida amgün pama.’ Anda, kürükwata ne poko wialómórróna, tómbapón kari pokoa.”

Morroal Bóktan Yesunkwata Luk Ne Bóktan Wialómórr 22:61

Olgabi Lod Pitaka tübyalüngürr, dümdüman yazilürr tai oyaka. Da Pitan ugón ngambangólórr, oya Lod ngaen-gógópan ne poko yalórr wagó, “Errkya, karrakarra póyaea bóktan küsil yarile, ma kubó aüd münüm ugón kalpino magó, ma kürübóka umul-kókla.”

Morroal Bóktan Yesunkwata Luk Ne Bóktan Wialómórr 24:44

Wa ibüka we bóktanórr wagó, “Ene ka yabü ini poko nilarre, ka yenkü nóma namülnürrü: kürükwata blaman ne kla wibalómórrónko Mosesón Gida Bukdü, Prropetab Pebadó, akó Wórr Pebadó, amkoman ki tómbapónónóm Godón bóktan küppükü ainüm.”

Morroal Bóktan Yesunkwata Zon Ne Bóktan Wialómórr 15:25

Ini pokoa ugósüm tómbapólórr, ibü gidadó wialómórrón bóktan küppükü ainüm wagó, ‘Da i wata kürü zitül-koke pokodó alzizi amanikdako.’

Epesus 2:20

E müótzanakla akó ⌊apostol⌋ ó ⌊prropet⌋ ene müótan zitülzanako. Akó Kerriso Yesu tüób ene müótan zirrgüpdü ingülküpa.

1 Pita 2:6

Zitülkus módóga, Godón Wialómórrón Bóktana igó bóktanda wagó, “Tübarrkrru, ka Zaeonóm darrü ingülküp angrindóla. Ka ini ingülküp iliarró akó wa wirri darrem müótan zirrgüpdü ingülküpe. Akó nadü oloma oya amkoman angunda akó oyaka ngambangólda, tóba amkoman banguna sab enanóm-koke baine.”