Morroal Bóktan Yesunkwata Luk Ne Bóktan Wialómórr 2:51 - Godón Buk

⁵¹ Da wa inkü we wamórr ama Nazarret. Wa ola tóba aipab nisab bóktan arrkrru yarilürr. Oya aipa ini poko moboküpdü irrbülürr, wa ne poko nósenóp.

Morroal Bóktan Yesunkwata Luk Ne Bóktan Wialómórr 2:51 ပူးပေါင်းရင်းမြစ်များ

Bwób Zitül 37:11

Zosepón naretal gyagüp kolaea ekrralórr oyakwata, a ibü ab ma kari gyagüpitótók koke ekyanórr.

Wórr Peba 119:11

Ka marü bóktan kólba moboküpdü kuri gangga irrbüna, marüka kolae tonarr tónggapón-gum.

Metyu 12:46

Yesuzan bóktan yarilürr pamkolpamab ngorodó, da módóga oya aip akó zoretala ugón togobórr. I pulkakak bórranglórr. Ibü ubi oyaka bóktanóm yarilürr.

Metyu 3:15

Yesu bóktan we yalkomólórr wagó, “Koke! Ini pokoa inzan ugó ki tómbapó. Mi blaman kla wata morroal akó dümdüm tómbapóni, Godón ubi ngarkwatódó.” Zon igósidi we ubi bainürr Yesun baptaes ainüm.

Morroal Bóktan Yesunkwata, Mak Ne Bóktan Wialómórr 1:9

Ene tonarrdó, Yesu we tübzilürr Nazarret wirri basirrdügab, Galili prrobins kugupidü, ó Zon oya we baptaes yónürr, Zodan tobarrdó.

Morroal Bóktan Yesunkwata, Mak Ne Bóktan Wialómórr 6:3

A wa go ene müót balmel oloma, Merrin siman olom, Zeims, Zosep, Zudas, akó Saemon ibü naret. Oya bólbótala ae ngyabendako.” Da i oya alzizi amanikóp.

Morroal Bóktan Yesunkwata Luk Ne Bóktan Wialómórr 18:37

Oya we izazilóp wagó, “Yesu, ene Nazarret olom, wató bórrgrratódase.”

Morroal Bóktan Yesunkwata Luk Ne Bóktan Wialómórr 2:19

Blaman ne pokoa tómbapónónóp, Merri tóba moboküpdü irrbülürr, da gyagüpi amalórr.

Morroal Bóktan Yesunkwata Luk Ne Bóktan Wialómórr 2:39

Merri akó Zosep ibü blaman tórrmen tulmil tómbapóna nóma blakónórr Lodón gida ngarkwatódó, i we tolkomólórri tibiób wirri basirrdü Nazarret, Galili kugupidü.

Morroal Bóktan Yesunkwata Luk Ne Bóktan Wialómórr 4:16

Wa Nazarret wirri basirrdü we wamórr, oya nóla dódórr inóp, da ⌊Sabad⌋ ngürrdü ⌊Zu pamkolpamab kwóbbazen müótüdü⌋ we bangrinürr, zitülkus ene oya bókam tumtum yarilürr. Da wa we zamngólórr Godón Buk atangóm.

Morroal Bóktan Yesunkwata Luk Ne Bóktan Wialómórr 4:23

Yesu ibüka igó we bóktanórr wagó, “Amkoman, e kubó igó ikik akrran bóktane tóptónane kürüka wagó, ‘Dokta, moba ugó dólóng byó.’ Akó e kubó tóptónane wagó, ‘Mobanan basirrdü kya kóbó tónggapó, ki barrkrrurrü wagó, ma Kaperrna-um wirri basirrdü ne ⌊arüng tonarr⌋ tómbapón namülnürrü.’”

Epesus 5:21

Yabiób darrpan-darrpanab tangdó ki korala, zitülkus e Kerrison gum-gum ótókdakla.

1 Pita 2:21

God yabü igósidi ngibaunürr inzan kwata azid aengóm, zitülkus Yesu Kerriso yabü morroalóm azid aengórr. Inzan kwata, wa yabü nómtyenóp, e laró ki tónggapónane, igósüm e oyakagab tikó apad kwarilo.