Morroal Bóktan Yesunkwata Luk Ne Bóktan Wialómórr 13:19 - Godón Buk

¹⁹ Ene Balngomól inzana, wamaka ne karian küpa, darrü pama tóba apapdó ne kla idódürr akó tüpdü irtümülürr. Wa dódórr bain yarilürr kókó wirri nugupüm bainürr, ó kwitüm póyaea tibiób müót oya tizdü balmelóp.”

Morroal Bóktan Yesunkwata Luk Ne Bóktan Wialómórr 13:19 ပူးပေါင်းရင်းမြစ်များ

Aesaya 53:1

⌊Prropeta⌋ bóktan yalkomólóp wagó, “Ki ne bóktan büdrrat kwarilnürrü, ia nótó kuri amkoman yangune? Ia ⌊Lod⌋ tóba arüng noaka kuri okaka simzazile?

Aesaya 53:10

“A ene Lodón ubi yarilürr oya amkalóm bidame akó oya azidan ngitanóm. Oya büdül sab ⌊urdü agasil larzan⌋ yarile kolae tonarr barrgonóm. Olgabi wa sab tóba olmalbobatal nóserre; wa sab wirri kokrrap ngyabene, akó oyabókamde Lodón ubia sab amkoman tómbapóne.

Aesaya 61:11

Zid küpazan bamkenda tüpdü, da dódórr bainda, akó didiburrdü ne aritürrün zid küpa bamkenda, Lod God sab dümdüm tonarr dódórr ine akó pamkolpama sab oya agür bókyerre, kókó blaman bwób-bwób pamkolpama dümdüm ngyaben akó oya agür korale.

Aesaya 9:7

Oya balngomóla akó oya balngomóla ne paud ódódda wata dódórr bain yarile metat. Wa sab balngomól yarile, king Deibidün pabo apad pamzan, wa sab balngomól yarile king Deibidün alngomól bwób. Wa ene balngomól bwób tónggapóne akó ngakan yarile dümdüm tulmili akó ⌊dümdüm tonarre⌋ ini tonarrdógabi akó metat-metat. Wirri Arüng ⌊Lod⌋ wa wirri ubia ini kla tómbapónóm.”

Metyu 17:20

Yesu ibüka bóktan we yalkomólórr wagó, “Zitülkus módóga, yabü ne amkoman bangune gaodó kokea! Zitülkus módóga, ka yabü amkoman poko byaldóla: yabü amkoman bangun ne inzan kari nóma warile, wamaka karian küpa, da e ini podo kuri ilane wagó, ‘Algabi ugó bupa, ama aum wam!’ Da igósidi kuri wame! Blaman Godón ubi ngarkwatódó elklaza sab igósidi yabüka popadan kwarile tómbapónóm!”

Morroal Bóktan Yesunkwata, Mak Ne Bóktan Wialómórr 4:30

Yesu akó bóktanórr wagó, “Ia mi Godón Kingzan Balngomól larópükü atanirre? Ó mi laró alap-alap bóktane ene Balngomólbóka bóktórre?

Morroal Bóktan Yesunkwata Luk Ne Bóktan Wialómórr 17:6

A Lod ma ibüka bóktanórr wagó, “Marü amkoman bangun ne inzan kari nóma warile, wamaka karian küpa, da ma ini pampangórr nugup kuri ila magó, ‘Barrpingül, da bartümül maludü!’ Sab marü bóktan arrkrrue.

Apostolab Tórrmen 4:4

Nidi barrkrrurr ibü bóktan Yesunkwata, abüna amkoman yangunóp. Pamab tibiób ngarkwata kasilülürr kókó 5000.

Rrom 15:19

Ene arüngpükü tórrmen módógako, ⌊wirri tulmil⌋ Godón arüng pupainüm akó ⌊asen-koke tórrmen⌋. Godón Samua kürü arüng kókyanórr ene elklaza tómbapónóm. Olgabi ka kólba zaget kuri elakórró, Morroal Bóktan Kerrisonkwata amgolde, Zerrusalem wirri basirrdügabi kókó Ilirrikum bwób amrran.

Okaka Amzazirrün Kla 11:15

7 Ngim anerrua tóba mobolzan kla ipulürr, akó kwitüm wirri bóktan bómgól koralórr, igó bóktande wagó: “Mibü ⌊Lod⌋ God akó oya ⌊Kerriso⌋, ini tüpan kingzan balngomól kuri ipüdi, akó mibü Lod sab ini tüp alngomól yarile, metat-metat.”