Kolosi 2:21 - Godón Buk

²¹ wagó, “Amoan-gu! Bapókgu! Amurrgu!”?

Kolosi 2:21 ပူးပေါင်းရင်းမြစ်များ

Bwób Zitül 3:3

A God igó yarilürr wagó, ‘Didiburr aodó nugupdügab, e sab ngórr alogu, akó amurr ta amurrgu! E ne nóma tónggapóni, e sab nurrótóki.’”

2 Korrint 6:17

Akó God bóktanda wagó, “We ngarkwatódó, ibükagab tübauske akó bürrgrrütamke ibükagab. Darrü tómanpükü kla amurrgu, da ka sab yabü morroal yazebo.”

Kolosi 2:20

E Kerrisoka nóma dabinarre, ene wa, e nurrbarirrü wankü. Olgabi umulbain bóktana ini tüpan gidabkwata yabü myamem koke balngomóldako. Da e iade ngyabendakla wamaka e tüpan pamkolpamakla? E igó gida larógóm mamoandakla,

Kolosi 2:22

Ini gida-a enekwata bóktanda, ne klama kolae bairre almit kakóm, zitülkus ini gida paman arüng bóktan akó umulbain bóktan ngarkwatódómako.

1 Timoti 4:3

I umul baindako wagó, pam a kol wata koke bumióg korale darrpan pokodó utüm. Akó i umul baindako wagó, ngibürr alo kla asiko, pamkolpama koke ne kla ki alo kwarile. A ini umulbain bóktan dümdüm kokeamli, zitülkus God blaman elklaza tólbaelórr, da igósidi blaman Godón nidi amkoman angundako akó oya amkoman bóktan umul nidipko, ini elklaza sab azeb kwarile akó ini elklazam eso akyan kwarile.