Morroal Bóktan Yesunkwata Zon Ne Bóktan Wialómórr 21:12 - Godón Buk

¹² Yesu ibübóka wagó, “Yao, alom togob!” I büódzan koralórr, oya darrü umulbain oloma koke imtinürr wagó, “Ia ma nótó?” zitülkus i umul kwarilürr wagó, ini Lode.

Morroal Bóktan Yesunkwata Zon Ne Bóktan Wialómórr 21:12 ပူးပေါင်းရင်းမြစ်များ

Metyu 22:46

Darrü pam gaodó koke yarilürr Yesuka bóktan poko alkomólóm, da ene ngürrdügab blaman gum kwarilürr oya ngibürr poko amtinüm.

Morroal Bóktan Yesunkwata, Mak Ne Bóktan Wialómórr 9:32

A i ma Yesun bóktanan ⌊küp tai koke ipüdóp⌋. Akó i tib gum kwarilürr oya amtinüm.

Morroal Bóktan Yesunkwata Luk Ne Bóktan Wialómórr 9:45

A i ma Yesun bóktanan ⌊küp tai koke emzyetóp⌋. God ene bóktanan küp ibükagab inikürr, igósüm i tai koke ipüdóp. Akó i tib gum kwarilürr Yesun amtinüm oya bóktanan küpankwata.

Morroal Bóktan Yesunkwata Zon Ne Bóktan Wialómórr 16:19

Yesu umul bainürr i oya imtinónópma, da ibüka we bóktanórr wagó, “E ia yabiób we poko bamtin korala, ka ne poko bóktóna: ‘Karianbóka ini kakóm, e sab kürü koke kósenane. Da akó karianbóka ene kakóm, e sab kürü akó kósenane.’?”

Morroal Bóktan Yesunkwata Zon Ne Bóktan Wialómórr 21:11

Saemon Pita akó butüdü alkomólórr net amorratóm dorrodó. Net abün wirri wapia byamrókórrón yarilürr, blaman kókó 153 koralórr. I abün enan kwarilürr, neta kokean batürrürr.

Morroal Bóktan Yesunkwata Zon Ne Bóktan Wialómórr 21:15

Aloa nóma blakónórr, Yesu Saemon Pitan imtinürr wagó, “Saemon, Zonón siman olom, ia marü moboküpdü wirrian ubi asine kürüka, ini ngibürr umulbain olmaldógab?” Pita bóktan yalkomólórr wagó, “Ó, Lod, ma umulóla kürü moboküpdü ubi asine marüka.” Yesu oyaka bóktanórr wagó, “Kürü ⌊sip⌋ kupo ngabyólónke.”

Morroal Bóktan Yesunkwata Zon Ne Bóktan Wialómórr 4:27

Ene pokoandó, Yesun umulbain olmala ugón tübabzilürr. I barrkürrürr wa kolpükü nóma bóktan yarilürr. A ene umulbain olmaldógab darrüpa ta Yesun koke imtinürr, “Marü ubi larógóma?” akó, “Ma ene kolpükü iade bóktandóla?”