Morroal Bóktan Yesunkwata Zon Ne Bóktan Wialómórr 19:30 - Godón Buk

³⁰ Yesu ene muran waen nóma yusürr, da we bóktanórr wagó, “Kuri blakóne!” Solkwat wa singül tüp elkomólórr, da tóba samu Ab we ekyanórr.

Morroal Bóktan Yesunkwata Zon Ne Bóktan Wialómórr 19:30 ပူးပေါင်းရင်းမြစ်များ

Bwób Zitül 3:15

Ka sab alzizi aman ngyaben sidüdo, matóka kol, akó marü küp akó oya küp; oya küpa sab marü singül emkóle, akó ma sab oya küpan wakub elóngo.”

Aesaya 53:10

“A ene Lodón ubi yarilürr oya amkalóm bidame akó oya azidan ngitanóm. Oya büdül sab ⌊urdü agasil larzan⌋ yarile kolae tonarr barrgonóm. Olgabi wa sab tóba olmalbobatal nóserre; wa sab wirri kokrrap ngyabene, akó oyabókamde Lodón ubia sab amkoman tómbapóne.

Aesaya 53:12

We ngarkwatódó, ka sab oya wirri ngi mórran poko ekyeno, ka sab oya mórran poko ekyeno arüng pampükü. Zitülkus módóga, wa tóba arról ekyanórr akó nurrótókórr, akó oya igó ngakónóp wagó, wa gida amgün pama. Wa abün pamkolpamab gida amgün bamselórr akó wa kürüka tóre ugósüm ekorr, ka ibü kolae tonarr iade ki amóna.’”

Metyu 20:28

Ene inzana, ka, Pamkolpamab Olom nótókla, igósidi koke tamórró igó, pamkolpama kürü popa tangamtin kwarile. Koke! Ka pamkolpam popa tangbamtinüm tamórró, kólba arról abün pamkolpamabkü darrem akyanóm, ibü arról akonóm kolae tonarrdógab.”

Metyu 27:50

Yesu akó wirri gyagüpi taegwarr apónórr, tóba dómdóm ngón we semanórr, da nurrótókórr.

Metyu 3:15

Yesu bóktan we yalkomólórr wagó, “Koke! Ini pokoa inzan ugó ki tómbapó. Mi blaman kla wata morroal akó dümdüm tómbapóni, Godón ubi ngarkwatódó.” Zon igósidi we ubi bainürr Yesun baptaes ainüm.

Morroal Bóktan Yesunkwata, Mak Ne Bóktan Wialómórr 15:37

Yesu wirri taegwarre tóba dómdóm ngón we semanórr akó we nurrótókórr.

Morroal Bóktan Yesunkwata Luk Ne Bóktan Wialómórr 22:37

Zitülkus módóga, ka yabü igó byaldóla, Godón Wialómórrón Bóktana ne bóktan opor bóktanda kürükwata, sab küppükü baine kürüka wagó: ‘I oya igó ngakónóp wagó, wa gida amgün pama.’ Anda, kürükwata ne poko wialómórróna, tómbapón kari pokoa.”

Morroal Bóktan Yesunkwata Luk Ne Bóktan Wialómórr 23:46

Yesu wirri gyagüpi we górrganórr wagó, “Ba, ka kólba samu marü tangdó angrindóla!” Wa inzan nóma bóktanórr, wa tóba dómdóm ngón we semanórr, da nurrótókórr.

Morroal Bóktan Yesunkwata Zon Ne Bóktan Wialómórr 10:11

“Ka morroal sip ngabkan pamla. Morroal sip ngabkan pama tóba arról akyanda sip zid byónüm.

Morroal Bóktan Yesunkwata Zon Ne Bóktan Wialómórr 10:18

Darrü pama kürü arról kokean ipüde kürükagab, a ka kólba arról pamkolpam akyandóla kólba ubidü. Kürü kari dümdüm ta kokea kólba arról akyanóm. Solkwat kürü akó kari dümdüm kokea kólba arról alkomólóm kólbaka. Ka ini arüng bóktan ipadórró kólba Abdógab.”

Morroal Bóktan Yesunkwata Zon Ne Bóktan Wialómórr 17:4

Ka marü ngi wirri kwitüm kuri emngyela ini tüpdü; ma ini tüpdü kürü ne zaget kókyarró, ka kuri elakóna.

Morroal Bóktan Yesunkwata Zon Ne Bóktan Wialómórr 19:28

Yesu ugón umul yarilürr wagó, blaman kla wa kuri blakóne. Godón Wialómórrón Bóktan küppükü ainüm, wa bóktanórr wagó, “Ka naemla!”

Morroal Bóktan Yesunkwata Zon Ne Bóktan Wialómórr 4:34

Yesu ibübóka wagó, “Kürü alo módóga, Godón ubi tómbapónóm akó oya zaget alakónóm, wa kürü ne kla küliónürr tómbapónóm.

Rrom 10:4

Pamkolpama myamem koke gyagüpi ogoble dümdüm tonarr pamkolpamóm bainüm Mosesón gida mamoandógabi, zitülkus Kerriso ene kwat kuri murrausürr dümdüm tonarr pamkolpamóm bainüm. We ngarkwatódó, God blaman pamkolpam, Kerrison amkoman nidi angundako, dümdüm tonarr pamkolpamóm byónda.

Rrom 3:25

God oya panzedó singrinürr ⌊urdü agasil larzan⌋ ibü kolae tonarr barrgonóm, amkoman nidi angundako igó, Yesun óea tópkanórr ibü kolae tonarrabme. God ini kla tónggapónórr tóba dümdüm tonarr amtyanóm, zitülkus wa ngaen zao-zao yarilürr akó wa igósidi pamkolpam kolaean darrem koke nülinóp tibiób kolae tonarrdógabi, i ngaen ne kolae tonarr tómbapónóp.

1 Korrint 5:7

We ngarkwatódó, e ngaep ist amórre, igósüm e küsil plaoazan kwarilo ist-koke, zitülkus e amkoman Godón ⌊kolkal⌋ pamkolpamakla. Zitülkus módóga, Kerriso nurrótókórr mibü ⌊aurdü amanóm⌋. Wa ene ⌊sip⌋ kupozana, Zu pamkolpama ne kla amkaldako ⌊Büdül Kórzyón Tóre⌋ ngürrdü.

Pilipi 2:8

Akó wa okaka nóma tümzazilürr pamakanzan, wa tóba ngi tüp solkomólórr, akó wa Godón bóktan arrkrrurr, enana oya ene pokoa büdüldü idódürr - wa ta krrosdó nurrótókórr!

Ibrru 12:2

Mi wata metat Yesuka wazilolo. Mi oya amkoman angundakla akó ngambangóldakla zitüldügab kókó blakón bwób. Wa azid piküpan aeng yarilürr krrosdó akó nurrótókórr, büód aeng koke, enana wa büódan kla yarilürr. Wa azid piküpan aeng yarilürr, zitülkus wa umul yarilürr wagó, wa solkwat bagürwómdü ki yarile. Wa errkya mórrarróna Godón tutul tangdó, oya kingan mórran kla minggüpanandó.

Ibrru 9:22

Ene amkoman, gida ngarkwatódó, blaman elklaza wata kubó kolkal nirre óe-e. Akó kolae tonarr barrgon babula, óe akan kokede.