Morroal Bóktan Yesunkwata Zon Ne Bóktan Wialómórr 18:25 - Godón Buk

²⁵ Saemon Pita wata zamngól yarilürr, wa güb boklamlórr. Ngibürra akó oya imtinóp wagó, “Ia ma darrü ene umulbain olom módógla?” Pita balpinürr, da bóktan yalkomólórr wagó, “Ka we olom kokela!”

Morroal Bóktan Yesunkwata Zon Ne Bóktan Wialómórr 18:25 ပူးပေါင်းရင်းမြစ်များ

Bwób Zitül 18:15

Serran guma upadórr, da we balpinürr wagó, “Ka go koke ngüóng apóna!” Da Lod bóktan we yalkomólórr wagó, “Üa! A ka ta umul baina, ma ngüóng apóna!”

Metyu 26:69

Pita wata kalkuma mórran yarilürr, kal akólórrón pul basirrdü. Darrü zaget ngul oloma oyaka we katókórr. Oyabóka wagó, “Ma ta Yesukü asi namülnürrü, ene Galili olom!”

Morroal Bóktan Yesunkwata, Mak Ne Bóktan Wialómórr 14:66

Pita wata kal akólórrón pul basirrdü yarilürr, darrpan Singüldü prristan zaget ngul oloma nóma katókórr.

Morroal Bóktan Yesunkwata Luk Ne Bóktan Wialómórr 22:55

I ur yungóp müótan kal akólórrón pul basirr aodó. Olgabi i darrpan pokodó bobrralórr. Pita tamórr, da inkü we mórran-mórran bainürr.

Morroal Bóktan Yesunkwata Luk Ne Bóktan Wialómórr 22:56

Da darrü zaget ngul oloma oya esenórr ur zyóndü mórrande. Wa oyaka dümdüman we yazilürr, da pamkolpamdó bóktanórr wagó, “Ini pam ta Yesukü asi yarilürr!”

Morroal Bóktan Yesunkwata Luk Ne Bóktan Wialómórr 22:57

A Pita we balpinürr wagó, “Kol, ka oyabóka umul-kókla!”