Ibrru 3:15 - Godón Buk

¹⁵ Wata ka errkyadanzan wialómdóla, Godón Wibalómórrón Bóktandózan wialómórróna wagó, “Errkya, e nóma arrkrrudakla God ne poko bóktanda wirri-singül bain-gu, yabü abalbobatalazan kainóp i kankü nóma bóka bamgün kwarilürr.”

Ibrru 3:15 ပူးပေါင်းရင်းမြစ်များ

Wórr Peba 95:7

Zitülkus módóga, wa mibü Gode, akó mi oya apapdó pamkolpamakla, mi sipzanakla, wa ne ⌊sip⌋ ngabyónda. Errkya, e wata ki barrkrrua God ne poko bóktanda!

Ibrru 10:29

Da e ia gyagüpi tótókdakla, oya kolae tonarran darrem ia laróga, Godón Olom nótó alzizi amaikda? Akó gyagüpi nótó tótókda, küsil alkamül-koke tónggapórrón bóktanan óe popa klama, oya ne klama kolkal yónürr? Akó Godón Samu nótó kle-kle ayalda, ene ⌊gail tonarr⌋ Samu? Oya kolae tonarran darrem wirri ki yarile oyakagabi, Mosesón gida nótó alzizi aman yarilürr.

Ibrru 10:38

Ka ne olom ⌊dümdüm tonarr⌋ yórrü tóba amkoman bangunanme, wa sab ⌊ngarkwat-koke arról⌋ ipüde. A wa ne tóba kak nóma kómtyene kürü amkoman angundü, ka sab bagürwóm-koke namulo wankü.”

Ibrru 4:7

We ngarkwatódó, God akó darrü ngürr ingrinürr, wa igó ne ngilianórr wagó, “Errkya.” Abün paila bobrralórr, wa ugón ⌊Deibidkama⌋ tóbtanórr Wórr Pebadó nóma wialómórr, wata kazan wialómórró ini peba mórragdó wagó, “Errkya, e nóma arrkrrudakla God ne poko bóktanda, wirri-singül bain-gu.”