Bwób Zitül 16:12 - Godón Buk

¹² Marü siman olom sab nurr ⌊donkizan⌋ pam yarile; wa sab blaman pamkolpampükü bóka bamgüle, akó pamkolpama usakü ta bóka bamgünórre, akó wa sab gazirr tonarre tebe-tebe ngyaben yarile tóba blaman zonaretaldógab.”

Bwób Zitül 16:12 ပူးပေါင်းရင်းမြစ်များ

Bwób Zitül 21:20

Isma-el nóma dódórr bainürr, God oyaka asi yarilürr. Wa ngüin-koke bwóbdüzan ngyaben yarilürr, wa bügür pamóm we bainürr.

Bwób Zitül 25:18

Oya olmalbobatala ene bwóbdü ngyabenónóp Abilamgab kókóta Syurr amrran, abüsa nólgabi banikda Izipt órdóbóna, kwat-kwat Asirria aodó. I tibi-tibi bwóbdü ngyabenónóp tibiób ngibürr zonaretaldógab.

Bwób Zitül 27:40

Ma sab gazirr turriki gazirr namulo ngyabenóm, akó ma sab moba zoretan zaget pam namulo. A ma sab oyaka nóma bóka bamgün namulo, ma sab oya tangdógab ugón balkomolo; ma sab ul baino oya müp amarrudügab.”

Bwób Zitül 37:25

I nóma alo kwarilürr, da Isma-elón zitül pam kopo nósenóp ene kwatana tótókde. I elklaza bumióg pam kwarilürr. I olgab togoblórr Gilead bwóbdügab, kóta Izipt kantrri amrran. Ibü ⌊kamela⌋ abün morroal bübdü balóp ilang móeg barrmülürr.