Bazeb Tonarr 11:3 - Godón Buk

³ Da Lod Izipt pamkolpam morroal gyagüpitótók nókyenóp, igósüm i morroal esenóp Isrrael pamkolpamdó tibiób obzek kwata. Anda, parraoan zaget pam akó blaman Izipt kolpama Mosesón igó ngakanónóp wagó, wa kari wirri ngi pam kokea.

Bazeb Tonarr 11:3 ပူးပေါင်းရင်းမြစ်များ

Bwób Zitül 12:2

“Marü ka sab abün olmalbobatal mülino. I tibióban wirri kantrridü ngyaben kwarile. Ka marü bles mino; Ka sab marü wirri ngi mókyeno, ma sab bles-ain ngyaben sidüdo bwób-bwób pamkolpamdó.

Bwób Zitül 39:21

A Lod Zosepka yarilürr akó oya morroal tonarr emtyanórr, igósidi tümün müót ngakan pama morroal esenórr oyaka tóba obzek kwata.

2 Samuel 7:9

Ka mankü asi namülnürrü ma ene iazan wamnórró. Akó ka ibü marükagab amarró mankü nidi gazirr kwarilürr, ama kolaedó simarrurr. Da ka sab marü ngi wirri ino ngibürr ini tüpdü wirri pamzan.

Okaka Amzazirrün Kla 3:9

Satanian pamkolpam nidipko, i bóktandako wagó, “Ki Zu kolpamakla,” a i go amkoman Zu kolpam kokeako, a i ma obae tizdako. Tübarrkrru, ka sab ibü yabüka tótókóm zirrnótóknómo wakósingül amgünüm yabü wapór minggüpanan, akó ka sab ibü umul ninünümo wagó, kürü ⌊moboküpdü ubi⌋ yabükamóma.