25 I ngaen-gógópan nóma ngyabenóm bainóp, i Lodón koke ótók kwarilürr, da wa ⌊laeon⌋ ibüka we zirrtapónóp, da ibü ngibürr we ekrrónóp büdülümpükü, ene laeona.
Ene bóktan we pupainóp Asirria kingdü wagó, “Ma ne pamkolpam iritürr basirr-basirr Samarriam umul-kókako ini tüpan godón gida. Ini zitülkusdü wa laeon igósidi zirrtapórre ibü akrranóm büdülümpükü. Ibü igósidi akrrandako, zitülkus i umul-kókako ini tüpan godón gida.”
Da darrpan prrist noan idüdóp ngaen-gógópan Isrrael pamkolpampükü Samarriagab, wa we yalkomólóp Betel ngyabenóm, Samarria bwób kugupidü. Da we umul bain yarilürr Lodón ótókóm.