1 Zon 5:3 - Godón Buk

³ Zitülkus módóga, mibü moboküpdü ubi Godka nómade, ene inzana, oya gida bóktan poko mamoanóm. Akó oya gida bóktan poko müp kokeako,

1 Zon 5:3 ပူးပေါင်းရင်းမြစ်များ

2 King 18:6

Wa wata karrkukus zamngólórr Lodón mamoanóm akó kokean aupürr. Wa ene gida bóktan poko mamoan yarilürr, Lod Mosesón ne gida iliónürr.

Bazeb Tonarr 20:6

A ka kólba morroal tonarr okaka amzazildóla atang-koke olmalbobataldó, nibiób ⌊moboküpdü ubi⌋ kürükama akó kürü gida bóktan poko nidi mamoandako.

Metyu 23:4

Inzande, i ngyaben kari müp koke aindako abün gida tómbapónde pamkolpama mamoanóm. A i ma tib tibiób tang pyóm kubó kokean ingrirre ene müp kwit ainüm.

Morroal Bóktan Yesunkwata Zon Ne Bóktan Wialómórr 14:15

“Yabü ⌊moboküpdü ubi⌋ ne nóma yarile kürüka, e sab kürü gida bóktan poko mamoanane.

Morroal Bóktan Yesunkwata Zon Ne Bóktan Wialómórr 15:10

E ne kürü gida bóktan poko nóma mamoan koralo, e igósidi kürü moboküpdü ubidü arróbórrón koralo. Ka ta inzan kólba Aban gida bóktan poko mamoan namülnürrü, akó ka oya moboküpdü ubidü arróbórrónla.

Morroal Bóktan Yesunkwata Zon Ne Bóktan Wialómórr 15:14

E kürü gómdamalakla, e ne kürü gida bóktan poko nóma mamoan koralo.

Rrom 7:12

Da módóga, gida ⌊kolkala⌋, akó ene gida bóktan poko kolkala, dümdüm akó morroala.

Rrom 7:22

Kürü gyagüpitótókdó ka bagürwómdóla Godón gida bóktandó.

Duterronomi 7:9

We ngarkwatódó, e umulakla igó, Lod yabü God, wata darrpan God watóke. Wa ngambangól Goda. Wa tóba ⌊alkamül-koke tónggapórrón bóktan⌋ metat mamoanda akó oya morroal tonarr asine ibüka, nibiób moboküpdü ubi oyakama akó oya gida bóktan poko nidi mamoandako.

Ibrru 8:10

Ini küsil alkamül-koke tónggapórrón bóktan yarile, ka sab Isrrael pamkolpampükü ne kla tónggapono sab solkwat tonarrdó, Lod bóktanda. Wagó, ka sab kólba gida ibü susumüridü irrbuno akó ka ta sab balómo ibü moboküpdü. Ka sab ibü God namulo, akó i sab kürü pamkolpam kwarile.

1 Zon 2:3

Mi ne Godón gida bóktan poko nóma mamoan kwarilo, da mi amkoman umul kwarilo, mi ene pamkolpam módógakla, oyabóka umul nidipakla.

2 Zon 1:6

Mi Godón gida bóktan poko nóma arrkrrudakla, mibü moboküpdü ubi asine Godka. Ezan barrkrrurrü ene tonarrdógab, e Yesun amkoman angun pamkolpamóm nóma bainarre, God yabü ne gida bóktan poko nókyenóp wagó, yabü moboküpdü ubi asi yarile Yesun amkoman angun pamkolpamdó.