1 Zon 5:10 - Godón Buk

¹⁰ Nadü oloma Godón Olom amkoman angunda, ene bóktan ta tóbaka asine, God ne poko bóktanórr. A nadü oloma God ne poko bóktanórr amkoman koke angunda, wa igó bóktanda wagó, God obae tizda, zitülkus wa amkoman koke angunda God ne poko bóktanórr tóba Olomankwata.

1 Zon 5:10 ပူးပေါင်းရင်းမြစ်များ

Aesaya 53:1

⌊Prropeta⌋ bóktan yalkomólóp wagó, “Ki ne bóktan büdrrat kwarilnürrü, ia nótó kuri amkoman yangune? Ia ⌊Lod⌋ tóba arüng noaka kuri okaka simzazile?

Morroal Bóktan Yesunkwata Zon Ne Bóktan Wialómórr 3:16

Godón moboküpdü wirri ubi yarilürr ini tüpan pamkolpamdó, igósüm wa kürü ibü kókyanórr, tóbanan darrpanan olom, kürü amkoman nidi kangurre, kokean bamrükrre, a i ma sab ngarkwat-koke arról ipüdórre.

Morroal Bóktan Yesunkwata Zon Ne Bóktan Wialómórr 3:18

“Kürü amkoman nótó kuri kangune, God oya koke zaz ine akó kolaean darrem koke ekyene. A kürü amkoman kokean nótó kuri kangune, God oya kuri zaz ine akó kolaean darrem ekyene, zitülkus wa kürü amkoman koke kangune, Godón darrpanan olom.

Morroal Bóktan Yesunkwata Zon Ne Bóktan Wialómórr 3:33

A ene bóktan nótó apadóda, wa kuri karrkukus ine wagó, God amkomana.

Morroal Bóktan Yesunkwata Zon Ne Bóktan Wialómórr 5:38

Akó e oya bóktan moboküpdü koke gangga arrbündakla, zitülkus wa noa zirrsapónórr, e ta oya amkoman koke angundakla.

Rrom 8:16

Godón Samu akó mibü samu, i nizana igó bóktan karrkukus aindamli wagó, mi Godón olmalakla.

Galatia 4:1

Ka kya igó kwata ingrinün: Darrü siman oloma tóba aban elklaza azebda, oya aba nóma nurrótókda. Wa kari omokurzan nómada, wa leba zaget olomzana, enana blaman elklaza oyako.

Galatia 4:6

Zitülkus e oya olmalakla, God tóba Oloman Samu zirrsapónórr mibü moboküpdü, ne Samua górrganda wagó, “Dedi! Ba!”

Kolosi 3:3

Zitülkus módóga, ene wa, e nurrbarirrü Kerrisokü, akó yabü arról arrónako Kerrisokü Godka.

Ibrru 3:12

Zonaretal, e ta umul-umul kwarilün igó, darrü olom babula noan moboküp kolaeana akó Yesun amkoman koke nótó angunda tóba moboküpdü, akó tóba kak igósidi nótó amtyanda arról Godka.

2 Pita 1:19

Da mi wirri umulakla igó poko wagó, ⌊prropeta⌋ ne bóktan wialómóp wata amkomana. Ene morroala e ene bóktan opor ki arrkrru kwarila, zitülkus i zyón klamzan ongang bapóndako tümün kwatódó, kókó Ngürr zyóna kubó tame akó ene sis wimurra, Yesu Kerriso nótóka, kubó ongang bapóne yabü moboküpdü.

1 Zon 1:10

God bóktanórr wagó, blaman pamkolpama kolae tonarr tómbapónóp. Da mi ne igó nóma bóktórre wagó, “Ki kolae tonarr koke tómbapónóp,” da ki inzan bóktórre God igósidi obae tizda, akó oya bóktan minkü babula.

1 Zon 5:1

Nadü pama amkoman angunda igó, Yesu ene ⌊Kerriso-e⌋, wa Godkagab amtómólórróna. Akó nadü paman ⌊moboküpdü ubi⌋ abdóma, oya moboküpdü ubi ta inzan yarile olomdó.

Okaka Amzazirrün Kla 12:17

Olgabi ene wirri atrrórrzan klama kari ngürsil koke yarilürr ene koldó, da we wamórr wirri gazirr ngangólóm oya ngibürr olmalpükü, Godón gida bóktan poko nidi amorrandako akó ene amkoman bóktan, Yesu ne poko pupo tinóp.

Okaka Amzazirrün Kla 2:17

“‘Güblang ne noane, wa ki turrkrru, Godón Samua ne poko bóktanda blaman sosdó. “‘Kolae nótó ut-ut ainda, ka sab oya ene ngibürr arrón mana ilino. Ka ta sab oya gabülpli ingülküp ekyeno, küsil ngi wialómórrón oya tumum. Darrü olom umul-kóka ini ngibóka, a wata watóke, nótó apadóda.’”

Okaka Amzazirrün Kla 2:28

Ka ta sab oya sis wimurr ekyeno.