1 Zon 2:14 - Godón Buk

¹⁴ Ka yabüka wialómdóla, olmalpókaldó, zitülkus e Abbóka umulakla. Ka yabüka wialómdóla, byarrmarr pamdó, abalzan nidipko, zitülkus e umulakla Yesunbóka, ngaen asi nótó yarilürr bwób zitüldügab. Ka yabüka wialómdóla, küsil Yesun mamoan pamdó, zitülkus yabü amkoman bangun arüngpüküma, akó Godón bóktana yabüka ngyabenda, akó e kolaean samu, satani nótóke, kuri ut-ut inane.

1 Zon 2:14 ပူးပေါင်းရင်းမြစ်များ

Wórr Peba 119:11

Ka marü bóktan kólba moboküpdü kuri gangga irrbüna, marüka kolae tonarr tónggapón-gum.

Morroal Bóktan Yesunkwata Zon Ne Bóktan Wialómórr 15:7

E ne kürüka arróbórrón nóma koralo, akó kürü bóktan yabü bübdü ne nóma korale, e ne klamóm ubi bainane, Godón yatoam, da yabü sab nülirre.

Morroal Bóktan Yesunkwata Zon Ne Bóktan Wialómórr 5:38

Akó e oya bóktan moboküpdü koke gangga arrbündakla, zitülkus wa noa zirrsapónórr, e ta oya amkoman koke angundakla.

Morroal Bóktan Yesunkwata Zon Ne Bóktan Wialómórr 8:31

Yesu Zu pamkolpamdó bóktanórr, oya amkoman nidi yangunóp wagó, “E ne kürü umulbain bóktan nóma omorralo, da e igósidi amkoman kürü umulbain olmalakla.

Morroal Bóktan Yesunkwata Zon Ne Bóktan Wialómórr 8:37

Ka umulóla e Eibrra-amón olmalbobatalakla, da e ama kürü amkalóm angóndakla, zitülkus yabü bübdü darrü marrgu babula kürü bóktanankü.

Epesus 6:10

Dómdóm bóktan módóga, karrkukus bórrangke ezan Lodka dabyórrünakla akó oya wirri arüngdügabi.

Pilipi 4:13

Ka gaodómla karrkukus zamngólóm blaman ngyaben tonarrdó Kerrisokama, kürü arüng nótó akyanda.

Kolosi 1:11

Akó ki Godón amtindamli wagó, wa sab yabü wirri arüng nókyerre tóba ngaru bapón-koke arüng ngarkwatódó, igósüm e sab karrkukus bórrongo akó zao-zao koralo blaman müp tonarrdó, bagürwómpükü.

Kolosi 3:16

Kerrison bóktan metat ki yarilün yabü moboküpdü. E yabiób darrpan-darrpan umul bain akó ikik bókrran kwarilün dudu ⌊wirri gyagüpitótóke⌋. Godka wórr bato koralón, igó opore, Godón Bóktandógabi ne oporko, Godón agür wórr bato koralón, akó ngibürr samuan ngarkwatódó wórr bato koralón amkoman moboküpi. Ezan wórr batodakla, Godón eso ekyalam.

2 Timoti 2:1

Da mató, Timoti, nótó kürü olomzanla, ma karrkukus namülün Lodón zagetódó. Ma gaodómla arüngüm Kerriso Yesun ⌊gail tonarranme⌋.

Ibrru 8:10

Ini küsil alkamül-koke tónggapórrón bóktan yarile, ka sab Isrrael pamkolpampükü ne kla tónggapono sab solkwat tonarrdó, Lod bóktanda. Wagó, ka sab kólba gida ibü susumüridü irrbuno akó ka ta sab balómo ibü moboküpdü. Ka sab ibü God namulo, akó i sab kürü pamkolpam kwarile.

1 Zon 1:1

Ki yabüka wialómdakla arról akyan Bóktanankwata. God noan zirrsapónórr pamakanzan, wa asi yarilürr ngaen bwób zitüldügab. Ki barrkrrurrü, ki ilküpi esenónóp, ki ngakanónóp elklaza tómbapónde, akó ki tange yamurróp.

1 Zon 1:10

God bóktanórr wagó, blaman pamkolpama kolae tonarr tómbapónóp. Da mi ne igó nóma bóktórre wagó, “Ki kolae tonarr koke tómbapónóp,” da ki inzan bóktórre God igósidi obae tizda, akó oya bóktan minkü babula.

1 Zon 2:13

Ka yabüka wialómdóla, byarrmarr pamdó, abalzan nidipko, zitülkus e umulakla Yesunbóka, ngaen asi nótó yarilürr bwób zitüldügab. Ka yabüka wialómdóla, küsil Yesun mamoan pamdó, zitülkus e kolaean samu, ⌊satani⌋ nótóke, kuri ⌊ut-ut inane⌋.

2 Zon 1:2

Kibü moboküpdü ubi yabüka, zitülkus amkoman bóktan mibüka asine akó minkü asi yarile metatómpükü.

3 Zon 1:3

Zitülkus módóga, ka karibóka-koke bagür namülnürrü ngibürr Yesun ngidü zonaretala nóma togobórr da kibü tüzazilóp wagó, ma Godón amkoman bóktan ngarkwatódó ngyabendóla. Ene amkoman ka umulürrünla, ma Godón amkoman bóktan metat mamoandóla.

Okaka Amzazirrün Kla 2:3

E metat piküpan karrkukus bórrangórrónakla, akó e kuri azid zwaengnórró kürü ngianbókamde, akó yabü genggorrama koke kuri sazebe kürü amkoman angundi.

Okaka Amzazirrün Kla 2:7

“‘Güblang ne noane, wa ki turrkrru, Godón Samua ne poko bóktanda blaman sosdó. “‘Kolae nótó ⌊ut-ut ainda⌋, ka sab oya dümdüm ekyeno nugup ngórr alom ene arról gail nugupdügab, Godón Agurr Apapdó ne klamse.’”