1 Pita 3:12 - Godón Buk

¹² Zitülkus módóga, Lod azilda ⌊dümdüm tonarr⌋ pamkolpamdó, akó wa ibü tóre arrkrruda. A Lod ma ibüka bóka bamgünda, kolae nidi tómbapóndako.”

1 Pita 3:12 ပူးပေါင်းရင်းမြစ်များ

Lebitikus 17:10

⌊Lod⌋ Mosesón yalórr Isrrael pamkolpamdó bóktanóm wagó, “Darrü Isrrael Müótüdü olom ó mogob oloma, nótó ngyabenda yenkü, nóma elónge óepükü lar murr, ka sab kólba obzek yalüngo oyakagab akó oya sab metatómpükü zirrapono oya pamkolpamdógab.

Lebitikus 20:6

“‘Darrü oloma ne sab nóma wame bóktan arrkrrum büdül mórrkepükü ne pamkolpama ikikdako, ó samudügabi nidi umul baindako solkwat ne tonarra tómbapónórre, ka sab kólba obzek yalüngo oyakagab akó oya sab metatómpükü zirrapono tóba pamkolpamdógab.’”

Morroal Bóktan Yesunkwata Zon Ne Bóktan Wialómórr 9:31

Mi umulakla God errkya kolae tonarr is koke arrkrruda; God wata igó pamkolpam arrkrruda, oya nidi ⌊ótókdako⌋ akó oya ubi nidi tómbapóndako.

Zeims 5:16

Da módóga, yabiób kolae tonarr pupo bain kwarilün yabiób darrpan-darrpandó akó tóre kwarilün yabiób darrpan-darrpanankü, igósüm e dólóng bairre. ⌊Dümdüm tonarr⌋ oloman tórean arüng asine ó wa küp bapóne.