Santiago 5:17 - Totonac Coyutla

¹⁷ Xa̠huachí caj cala­ca­pa̠s­táctit xamaká̠n quilh­ta­macú a̠má pro­feta Elías na̠ caj cati̠hua̠ chixcú xuani̠t cumu la̠ aquinín, pero acxni̠ xli̠­hua̠k xnacú tzú­culh kalh­ta­hua­kaniy Dios xla­cata pi̠ niaj camilh sií̠n xli̠­ca̠na pi̠ aktutu ca̠ta a̠íta̠t ni̠ milh sií̠n.

Santiago 5:17 ပူးပေါင်းရင်းမြစ်များ

San Lucas 4:25

Xa̠huachí luu caj cala­ca­pa̠s­táctit pi̠ na̠chuná akspú­lalh xamaká̠n pro­feta Elías acxni̠ uú nac quim­pu̠­la­ta­ma̠ncán Israel luu aktutu ca̠ta a̠íta̠t ni̠para tzinú milh si̠n y luu la̠n lalh tatzín­c­stat nac xli̠­ca̠­lanca eé pu̠la­tama̠n, y antá xta­la­má̠­nalh lhu̠hua lac­chaján hua̠nti̠ xca̠­ni̠­makani̠t xta̠­ko̠­lucán, xlacán luu li̠pe̠cua xta­pa̠­ti̠­má̠­nalh porque ni̠ xta­ka­lhi̠y hua̠ntu̠ nata­huay,

Hechos 10:26

Huata Pedro tuncán huakaj yá̠hualh y chiné huá­nilh: —Cat­lahua li̠tlá̠n ni̠ caqui­la­ka­ta­tzo­kosta, porque aquit ni̠ Dios, aquit na̠ caj cha̠tum chixcú cumu la̠ huix.

Hechos 14:15

—¡Xli̠­hua̠k hui­xinín li̠huana̠ cakax­páttit! ¿Túcu xpa̠­la­cata hui­xinín qui­la̠­li̠­pu̠lh­ca̠­yá̠hu cumu la̠ Dios? Aquinín na̠ caj lac­chix­cu­huí̠n chuná cumu la̠ hui­xinín, y aquinín caj cmi­ni̠tán ca̠hua­niyá̠n xla­cata pi̠ calak­ma­kántit xli̠­hua̠k min­tas­ma­ni̠ncán hua̠ntu̠ tla­hua­yá̠tit porque ni̠tu̠ li̠ma­cuán, y caj xma̠nhuá cali̠­pa̠­huántit a̠má cha̠stum Dios hua̠nti̠ ca̠ma̠­la­ca­tzu­qui̠ni̠t akapú̠n, ca̠ti­yatni xa̠hua pupunú y xli̠­hua̠k hua̠ntu̠ anán uú nac ca̠quilh­ta­macú.

Romanos 11:2

Xlá ni̠tu̠ ca̠lak­makani̠t judíos, porque hasta xamaká̠n quilh­ta­macú Dios huá ca̠li̠­lác­sacli israel­itas la̠qui̠ xca­maná̠n nata­li̠­taxtuy y hasta ca̠lacchú quilh­ta­macú chu­nacú ca̠li̠­ma̠xtuy. Xa̠huachí cala­ca­pa̠s­táctit hua̠ntu̠ tatzokni̠t nac li̠kalh­ta­huaka caj xpa̠­la­cata a̠má quilh­ta­macú acxni̠ pro­feta Elías ca̠ta­li̠­pu­huá̠n xkalh­ta­hua­ka­nima Dios xca̠­ma̠­lak­si­yuma a̠ma̠ko̠lh judíos xalac Israel y chiné xuanima:

Apocalipsis 11:6

Uma̠­kó̠lh xlac­scujni Dios hua̠nti̠ nata­ma̠­ca­tzi̠­ni̠nán xta­lu­lóktat, xlacán taka­lhi̠y nahuán li̠t­li­hueke xla­cata nata­ma̠­lac­chu­huay nac akapú̠n la̠qui̠ ni̠ namín si̠n li̠huán xlacán antá tala­ma̠­nanchá nahuán nac ca̠quilh­ta­macú xla­cata nata­liakchu­hui̠nán xta­chu­huí̠n Dios, pero na̠ taka­lhi̠y nahuán li̠t­li­hueke xla­cata chú­chut hua̠ntu̠ huí nac ca̠quilh­ta­macú tla̠n kalhni natat­la­huay, y na̠chuná nata­li̠­ma̠­pa̠­ti̠ni̠y la̠tachá túcuya̠ tali̠­pu­huá̠n hua̠nti̠ tahui­lá̠­nalh nahuán nac ca̠quilh­ta­macú, la̠tachá nícu makli̠t xlacán chuná natat­la­hua­putún.